الوصل شريان المحبه يا حبيب

الوصل شريان المحبه يا حبيب=وانته تغلا به علي وابطيت به
ما تدري انه بادي في النحيب = والقلب لحم ودم وانت ادميت به
تشرب من عروقه نبع حب وتغيب = وانا ليا حبيت به حبيت به
يمكن علشانه مثل لون الحليب = قلت ادخل اعماقه واشيد بيت به
حتى تكون من الخفوق اقرب قريب = وياجيت تمشي فيه ما شحيت به
ان قلت لك يفداك مابه شي غريب=القلب يفدا با الغالا من ميت به
مادمة جراحه ومادمة الطبيب = والحب كله والغلا حضيت به
يطيب جرحه منك والا ما يطيب = يفداك مار ان رحت به وان جيت به
الهجر صحرى تشبه الوجه الغضيب =الغصن فيها ينكسر ياوميت به
ما بارضها ظلٍ ولا غصن رطيب = تشبه معالمها زمن قفيت به
على امل كني بالعبت يا نصيب = والحال يقضي وانت ما لديت به

الهجر صحرى تشبه الوجه الغضيب
الغصن فيها ينكسـر ياوميـت بـه

صح لسانك ياخالد
على هذه القصيده الجميله
لاهنت يابوموسى
تحياتي لك

صح لسانك مليون على القصيده يابوخلود
والله يـعـطـيـك الـعـافيـــــــــــة
بيض الله وجهك

	أشكرك عزيزي خالد الحصني صح السانك بارك الله فيك جزاك الله الف خير تقبل مروري مع شكري وتقديري لك يامميز __________________ «®°·.¸.•°°·.¸¸.•°°·.¸.•°®»«®°·.¸.•°°·.¸¸.•°°·.¸.•° ®» __________________

ياسلااااام عليك
قصيده في منتهى الابداااع
وقافيه ووزن ولاأروع
صح لساااانك
وبيض الله وجهك

الشاعر عيسى العوفي صح بدنك وبارك الله فيك على الحضور لا هنت

الحب الباقي



صح بدنك وشاكر حضورك لا هنت الف شكر

علي العلوي



صح بدنك والتميز حضورك لا هنت الف شكر اخي الكريم

سامي البلادي


حياك الله وشاكر حضورك وتشريفك لا هنت يا الغالي الف شكر بارك الله فيك

متى طبيب القلب ياتيك وتطيب=حتى يطيب القاف لغنيت به
يالشاعر بالمساري تقل ذيب=ان شفت لك معنى جزل سريت به