البيرق .. حرب ..

السلام عليكم ورحمه الله وبركاته
اليكم هذا اللحن بيني وبين الاخ القدير الشاعر حرب

البيرق المنصور=
سلام مثل الشهد واحلا = فالليله اللي صفاها زان
فيها علوم الوفا تجلا = من كان وسط البلد حزنان
حرب=
ترحيب عليه ماتعلا = كل التراحيب ياشيهان
وحنا لعذب المثل عجلا = الليله الليل ياربان
البيرق المنصور=
اللي بنا رحب وهلا = دايم لاهل الوفا عنوان
والاوله فاتت الاولى = من دون زايد ولانقصان
حرب=
مانزود في دقها وجلا = عليك يابادع القيفان
وانا تسمعت فالقولا = لكن بدالي بلا برهان
البيرق المنصور =
وش قلت في راعي الفعلا = اللي كسب بيرق ونيشان
واليوم يارد من النهلا = واخوه بين العرب ضميان
حرب=
العلم لاصار له اصلا = قلنا عطيه من الرحمن
لكن لاقوه ولا حولا= سبحان رب الملا سبحان
البيرق المنصور =
لعله الوضع يعتدلا = ويصبح على رجحه الميزان
ويرخص على شانه الاغلا = لو كان وسط البلد ماكان
حرب =
عساه مايحرم الوصلا= بعد الامل شرع البيبان
في ليلةٍ تجمع الشملا = ويبقى صداها مدى الازمان

حياااااااااااااااااااك الله أخي البيرق المنصور

وتسلم على هذا اللحن

وصح لسانك ولسان المبدع حرب

وعافاك الله ورعاك

صحت السنتكم لحن دسم في معناه ماهو غريبه على شعار في مكانتكم دمتم بخير وصحة

أخي القديرالبيرق النصور والاخ العزيزحرب

صحت السنتكم وسلم بنانكم وبيض الله وجيهكم

محاوره من بدع وايضاالرد في قمة الابداع والروعه الله يعطيكم العافيه
تقبل تحياتي وتقديري

صح لسانك وصح لسان ابو عمر

لحن مميز ورائع

تقبلا تحيتي وتقديري

محاورة عمالقه صحت السنتكم وبارك الله فيكم وتقبلوا تحياتي 0

تسلم

عزيزي

البيرق المنصور

صح لسانك وبيض الله وجهك وصح لسان حرب وبيض الله وجهه

دمتم بود وعافية .

اشكر الجميع على مروره الكريم

لاغرابة مبدعين دائما ومحاورة راقية بين شاعرين كبيرين صح الله السنتكم وبيض الله وجيهكم
تقديري واحترامي للجميع

صح لسانك وبارك الله فيك