مرثية

هذه مرثية والدي في اخوتي رحمهم الله جميعا ورحم امواتنا واموات المسلمين

يالله يامالك الميعاد = يامن بفضله كثر جوده
ارحم فؤاد بحزنه زاد= حتى البكى بلل خدوده
والد فقد خيرة الاولاد= زادت مآسيه ولهوده
راحو ورى بعض في مقياد = والدار هدت له وتوده
ابكي ابو فوزي السداد = ذاك السخي وعندي شهوده
وابكي ابو هيثم المنقاد= إن إبتسم يفرح وجوده
ياما شالوني على الاعضاد= والكل منهم بمجهوده
يقصد رضانا على استعداد = لجله من الطيبة عوده
في المجتمع مالهم اضداد = وسيرهم لازم حدوده
والحمد للواحد اللي راد = راضين بامره ومايقوده
ولنا العقيدة هي الاسناد = دايم بها النفس مسنوده
يسكن بها فالجنان عباد = برحمته وصادق وعوده
ويارب تحفظ لنا اللي زاد = وتبلغ الكل مقصوده
والكل في طاعتك ينقاد = من بعدنا والتقى عدوده
وسلام عد النجم لاباد = على النبي الف معيوده

مرثيه يعجز اللسان عن وصفها تعبير صادق حنان ابوي
رحم الله موتاكم وموتا جميع المسلمين واسكنهم فسيح جناته
وعظم الله اجركم اخوي مشعل

الحمد لله على قضاءه وقدره

الله يرحمهم جميعا ويجعل مثواهم الجنه

صح لسانك كسرة رائعه
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة عبود

	مرثيه يعجز اللسان عن وصفها تعبير صادق حنان ابوي رحم الله موتاكم وموتا جميع المسلمين واسكنهم فسيح جناته وعظم الله اجركم اخوي مشعل

جزاك الله خير اخي القدير عبود ولا اراكم الله مكروها شاكر لك حضورك الذي يشرفني
تقديري واحترامي

	المشاركة الأصلية كتبت بواسطة شوق نجد

	الحمد لله على قضاءه وقدره الله يرحمهم جميعا ويجعل مثواهم الجنه

جزاك الله خيرا اختي شوق نجد وشاكرا لك هذا الحضور الذي اتشرف به
تقديري واحترامي

	المشاركة الأصلية كتبت بواسطة الحب الباقي

	صح لسانك كسرة رائعه والله يـعـطـيـك الـعـافيـــــــــــة بيض الله وجهك

صح بدنك اخي القدير ابو نواف ولا اراك الله مكروها شاكرا لك حضورك المشرف لي
تقديري واحترامي