ديوان كسرات الشاعر ( وليف الشوق )

ياليت عـن وضعنـا تعلـم = في غيا بكم وش يصيرالحال
الجو يصبـح عتيـم اظلـم = وحضوركم يعـدل الاحـوال

وليف الشوق=
اشوف زوله وعنه اصد = لني أنامقدراوصل لـه
حاولت لكن علي مايرد = وصعبةعلي أتذلل لـه
محمدسعداليوبي=
إن كان له في فؤادك ود = ويلحظك في حزة الطلة
يا كيف يهنا لك المرقد = وأنت تراعيه ما تقلـه؟
وليف الشوق=
حاولت لكن علي مايلد = والله يجازي الذي حاله
كل مااحاول عليه يشد = والروح تابـا تنازلـه

اغلا اسم في حياتي مر = دايم على البال مانسـاه
والله مهماالسنين تمـر = فاالقلب يبقى معي ذكراه

شوفتك عندي تسر النفس = وتزيد الافراح في نفسـي
واناانتظرجيتك من امـس = من صبح يومي الين امسي

امشي معه بالرضى وعطيه = وهوه على عكس يعطيني
كل ماعطيته عشان ارضيه = القا الجفى منـه يسقينـي

الـيـوم ماهوكـمـااول = كثرالحسد والمشاجرفيـه
واللي على الطيب ماحول = مده مع اهل الوفا يكفيه

وليف الشوق=
سلام من عالي المرقاب = للي لهم عندنا شانـي
عطنا افاده عن الاسباب = ولا نبا نجيلكم عانـي
ماهرابوخالد=
ما تنقفل عندنا الابواب = ومثلك أعده من اخواني
العفو والحق والترحاب = شيدتها عنـد بيبانـي

وليف الشوق=
يابويزيد اسمع الشاكـي = اللـي تجـرع مـرارالآه
من شاف حاله غدى باكي = وده يلاقي عـلاج لـداه
قابل البشري=
مثل الزهر حرفكم زاكي = يابومنى طاب من مبداه
وحتى نحصل دوا واكي = لابد نعرف سبب شكواه
وليف الشوق=
مشكور يا الصاحب الواكي = من قلب يصرخ على ماجاه
مهمـا اسليـه واحاكـي = عيا معي يعتـدل مجـراه

اغلا اسم في حياتي مر = دايم على البال مانسـاه
والله مهماالسنين تمـر = فاالقلب يبقى معي ذكراه

ولـيــف الـشــوق =
كل يوم وانا على ذا لحال = عيا معي يهتـدي بالـي
احيان حالي فعال العـال = وحيان اشكي اسى حالي
بـحـرالـكــســره =
الوضع مهما عليكم طال = خل الصبر والامل عالي
لابـد ماتربـح الامـال = والبال بعد العنى سالـي
ولـيــف الـشــوق =
زادت عليه الهموم ثقال = وتقفلـت كـل امـالـي
واليوم حتى الصبرلي قال = زادت حمولك بالثقالـي
بـحـرالـكــســره =
لو كان همك حمول جبال = لحضه فرج تسعد البالي
الرب فيه الاجـر وتنـال = خل الرجا فيـه ياغالـي
وليف الشوق=
باب الرجاء عندنا مازال = ولافيه نحتاج لجدالـي
لاكن جتني كماالشـلال = والوضع في زود مازالي