طال الطويل وطايح الحظ ماقام

يابن محيسن كل ماجيت ابا أنام=تواردني من بعيد وقريبي
عوبٍ تلوج إبضامري جرب وهيام=حامن علي عصير قبل المغيبي
ياما اخلفني عند تكبير الأحــرام=وومنبي إوماي الهوا بالعسيبي
الله وأكبر ياتصاريف الأيام=من جورهن شيبت قبل المشيبي
أبيارنا ماها تغير من العام=فيها حمام الورق ينحب نحيبي
جفت وطير البين من فوقها حام=من عقب ماهي ماردٍ للعزيبي
وإم اليتاما فرقت رزق الأيتام=يباً لها في كل وادي صحيبي
أهل الشرف داست عليهم بالأقدام=يابو محمد ظلم وأمرٍ عجيبي
أقسى الظروف إلها قوانين وأحكام=وإن كان ماجاوبت مالي مجيبي
طال الطويل وطايح الحظ ماقام=وإنهد حيل بالزمان العصيبي
زرت اليمن والغرب والشرق والشام=ماغير أجي وأروح مثل العسيبي
عبرت عن ماصار بدراك وإلهام=وإقبل سلامي يالحكيم الأديبي

الشـــاعر / مــســــاعـد ضعيان البدراني

ماشاء الله تبارك الرحمن

شاعرية متدفقه وجزالة في غاية القوة والبناء


صح لسانك على هذا العطاء المتميز

وصح لسان الشاعر الكبير: مساعد البدراني

ارق التحايا لقلبيكما

مشكور ياحمود الغيداني
على نقل هذه الدرة
بيض الله وجهك ووجه الشاعر البدراني

بارك الله فيك ياحمود وصح لسان الشاعر والله انها قصيده جزله

مشكور ياحمود الغيداني
على نقل هذه الدرة
بيض الله وجهك ووجه الشاعر البدراني

الله يـعـطـيـك الـعـافيـــــــــــة على الاخـــتيار المــوفــق
وصح لسان قايلها وناقلها
بيض الله وجهك

صح لسانك يابورعد

والله يعطيك العافيه على نقل القصيده


وصح لسان شاعرها

	المشاركة الأصلية كتبت بواسطة مصلح المحمدي

	ماشاء الله تبارك الرحمن شاعرية متدفقه وجزالة في غاية القوة والبناء صح لسانك على هذا العطاء المتميز وصح لسان الشاعر الكبير: مساعد البدراني ارق التحايا لقلبيكما

صح بدنك وتشرفت بمرورك يابن العم

	المشاركة الأصلية كتبت بواسطة نافع الحربي

	مشكور ياحمود الغيداني على نقل هذه الدرة بيض الله وجهك ووجه الشاعر البدراني

العـــفــو ....تشرفت بمرورك يابن العم

	المشاركة الأصلية كتبت بواسطة خالداللهيبي

	بارك الله فيك ياحمود وصح لسان الشاعر والله انها قصيده جزله

صح بدنك وتشرفت بمرورك يابن العم