ديوان كسرات الشاعر ( بحر الكسره ) ابوياسر

لو قلت اقدر على بعدك = اجني على الروح بالاسقام
القلب باقي على عهدك = حاكم عليه حكم اعدام

الجود نجنيه من جودك = مادام فالمتقى اجواد
الطيب لاجا من عودك = خسران منهو لكم جحاد

كل ماعطينا الهوى قنه = يزيد جوره مع الايام
خناجر الهجر منسنه = من طعنها نجني الاسقام

الروح تعبت من الاشواق = لقيت منهو يتعبها
مدري على هجرنا ذواق = يبغى المشاعر يعذبها

اعجب من الحال واستغرب = بعض العرب ليه ينسونا
الشام ماهو كما المغرب = ان غبت وان جيت يبغونا

يافارس اوصيك بديره = اللي لهم فالحشا عنوان
الشوق زايد فتصديره = بلغ سلامي على السلطان

اه الهوى في فوادي كن = ماضن الناس تدريبه
اليل قاعد اسئ واون = والصبح زايد فتدريبه

ياطيب جانا وله ريحه = يفرق عن الفل واليسمين
لو شي في النفس انزيحه = نعطي قدر بالوفى تثمين

دكتورليـه الهـوى جـذاب =امـال مـاعـاد تكفيـنـا
القلب صابـر وصبـره ذاب =عنـدك دوا لـه تعطيـنـا
لايروح عمرك كذا منصـاب= يا بحـر ان كـان توحينـا
ترى الامل ما انقفل له باب= مـادام فـا الله رجاويـنـا
جنيت مـن ودهـم اتعـاب = والقلـب دايـم معنييـنـا
الجرح في داخلـي ماطـاب =ملقيـت منهـو يواسيـنـا
لاتمل من عشـرة الاحبـا ب = وتقـول ماعـاد يمديـنـا
يمكن دخـل بينكـم كـذاب = فـرق مـا بيـن المودينـا
كل ما عطينا الامل ماصاب =الصبـر ماعـاد يقديـنـا
درب الهوى في طريقي خاب =ماضـن بالـود يشريـنـا
دام الامل والصبر ماجـاب =مركب شراعك على المينـا
وش ترتجي فوده ..النصاب =مالـك ومــال المقفيـنـا

بحر الكسره

سلام مني وفى رده = للي بذكره ذهب والماس
دايم وفي راعي الشده = اللي لزومه بغير اقياس
لي جرح في علته مده = مالقيت منهو يداوي الباس
جرحي التهب والسبب صده = ومن هجرهم جابلي وسواس
سهم الخطر واصل (ن) حده = وانعاش قلبي تدق اجراس
ابغي افاده تجي ضده = ترد في عروقي الاحساس

عبد الكريم المزروعي

ترحيب من قلب في جده = ماهي كتابه على قرطاس
الصاحب اللي وصل مده = واليا نصاه الخبر حساس
اصبر وزيد الصبر قده = وعيد الامل مامن الله يأس
وان كان ودك منع وده = اقنع منه من صميم الراس
لا تبني البيت وتهده = بعدين تفرح عليك الناس
باب(ن) يجيك الهوا صده = من خوف يدخل منه نسناس
وان جات هجمات مرتده = الفوز اللي يجيب الكاس