ديوان الشاعر ( أحمد العامودي )

بحر الكسره والعمودي

بحر الكسره=
دكتور عندك دوا قطره = يحجب عيوني عن المزيون
انسان عايش على الفطره = والود في داخلي مكنون
ابو عمر=
الزين والماء والخظره = من دونها الناس ما يحيون
مادام الا نسان له نظره = انظر ولا تقرب المضمون
بحر الكسره=
قلبي نهيته وزاد امره = بالحيل زايد عليه شجون
اسير حبه وزاد اسره = واصبحت في ودهم مسجون
ابو عمر=
مالوم من يشتكي جمره = هذا الهوى من زمن فرعون
لا كنه الود وش عذره = ولا بحالتك ما يدرون
بحر الكسره=
من هجرهم سالت العبره = قلب نصحته عن المفتون
زاد الصبر وانتهى صبره = عساك من حالتي تفتون
ابو عمر=
هيا اسمع الشور والدبره = لاتزيد قلبك عنا وشطون
اللي جرالك خذه عبره = والرب منه العوض مضمون

خاطرة جديدة للاطلاع
عسى أن تنال اعجابكمورضاكم

شبابنا العز والآمال=نتعب على شان راحتهم
مقصودنا يطلعون رجال=وما ودنا الا سلامتهم

من ما بجوفه من القرآن=لو بضع آيات محفوظة
مثل الخرابة بلا سكان=ظلمة وبالطبع مرفوضة

خاطرة أرجو أن تنا ل اعجابكم
شهر 11 عام 1430ه

أوحيت صوت الحمام ينوح=واطربني الصوت وابكاني
لانّه نقض في الفؤاد جروح =كل جرح أعمق من الثاني

خاطرة قديمة
عسى أن تنال اعجابكم

بعد اصبح الراس نصفه شيب=الود عفته ماعاد ابغاه
لكن بقايا منه في الجيب =خلتني عايش على ذكراه

خاطرة قديمة

موعود انا منه بزياره=ليته تجمل وحددها
لجل اقطف الورد وازهاره=بافرش به الارض وامهدها

كسرة طلب مني الردعليها
من الصديق زامل دحيم البشري
ولا أعلرف قائلها فياليت يكون من المتابعين

البدع=
الفكر والظن والاءحساس=تواردو خاطري قاضي
فاللي حصل في نفوس الناس=الناس ماهم كما الماضي
الرد=
لا شك يالصاحب الحساس=لكن حكم الزمن ماضي
ولو انعرف له رجل من راس=ماتشوف واحد ماهو راضي

هذه أحد محاوراتي مع أخي قميش القريقري
رحمه الله في صيف عام 1420ه

العمودي=
ياصالح اشكي عليك أللي =جرد عليه بخيل وجيش
وصيطر على القلب واحتلي=وحرم عليه لذيذ العيش
ان كان عندك خبر قللي=والا تودي الخبر لقميش
قميش=
يا احمد اسمع وافطن لي=لولا الأسى ما حصل تشويش
والوقت حكمه على الكلي=والصبر للمبتلى ويعيش
ولو كان خصمك يقابلي=واساله هذا المآسى ليش
أما يجي قود للظلي=والا احرقه مثل حرق الريش
العمودي=
صبرت لين الصبر قلي=واصبح عليه الصبر ما فيش
والمشكلة الخصم متولي=وقافل على وضعنا بالشيش
الحبل بيديه ويتلي =لا صابني ولا تركني اعيش
أبغى بصر شوف لي حلي= أرجوك عيد النظر ياقميش
قميش=
أعطيتك الحل والدلي=وهمشت فالمسألة تهميش
بنص حجة ما يمكن لي=أعطيك حقك بلا تفتيش
وعاداته الود متغلي=فيه الجهالة وفيه الطيش
أصبر على ما جرا يالي=واحذر لمن حرشة تحريش
وان كان في وضعه مظلي =لا تشبك الكهربة بالفيش
أبعد عنه وخله يولي=ولا تنبش المسألة تنبيش

رحمك الله يا أبا زكريا
وفي جنات الخلد ان شاالله

سألت عيني لما تبكين= كثر البكا سم لي حالي
قصدي تقلي السبب من مين=اثر انها فاقدة غالي

خاطرة جديدة عسى أن تنال اعجابكم

كل ما عيوني تجي بتنام=أللي سرق نومها جاها
ذكرى هوا فات له كم عام =وسبب سهرها وبكاها