من جمجمت راس اخو حسنه مجاذيبه

بسم الله الرحمن الرحيم
هذى القصيده قلتها فى الامير محمد الفرم ونخاه فيها لعتاق رقبة ابن عمى ابراهيم

بسم الله المستعان ابداه وابديبه =على جميع الامور وقبل مبداها
يامدبر الكون يا محرك دواليبه =ياخالق النفس ياغافر خطاياها
راجياً عفوه وراضياً في مكاتبيه =يالله ياحلال امورٍ ماقويناها
باب الفرج قدرتك تفتح لوابيبه =تامر بالاسباب لين تمد يمناها
وانا بعد شفت من جور الزمن ريبه =وكثرت دروب المتاهات لمطاياها
وقعدت احسب لمخطي العلم ومصيبه =ودقت هواجيس مكنوني من اقصاها
يا هاجسى بيت شعرك مسّ اطانيبه =وصوغ القصيده وبيت العز منصاها
للشعر معنى ووزنيه وترتيبه =فى مدح بعض الرجال يزين معناها
اسمه وسام القصيد اللى نسويبه =محمد الفرم واهل الطيب بأسماها
زيزوم قومن كبيراتن مواجيبه =سيف المراجل ومشلحها وشلفاها
من جمجمت راس اخو حسنه مجاذيبه =قوة فروسيتن ما مات طرياها
لقب شريدة الفرسان من طيبه =والمرجله ورث لمحمد تبناها
كد شب فيها ولد حتى طلع شيبه =ورثت شيوخن بفعل الطيب كفاها
ياقف ويقلط ويصل العلم ويجيبه =ليا ضاع علم الرجال وباهت ارياها
عند السلاطين إله قيمه وإله هيبه =اخوان نوره اتحسب له اليا جاها
العز والطيب والنخوه مطاليبه =كل العدود الثلاثه شاربٍ ماها
تكفى يا فكاك من صعبت مناشيبه =اليا قمت فى قالتن حيلت دعواها
انا دخيلك بعد ماطحت بمصيبه =وضاقت بى الارض وانسدت زواياها
رميت وهم والقدر حاشت مخاليبه =فى حرب والله وامانه ماقصدناها
دخليكم ما انشعق فى وجيهكم جيبه =نطلبكم العفو غلطه ورتكبناها
وفزعت محمد وفتلت روس اشانيبه =انا اشهد انا ما حنا شى لولاها
واختامها عودن ازرق فايحن طيبه =وازكى تحيات بالعنبر ختمناها

هذه القصيده قالها الشاعر : مناور بن خضران العازمى
فى الامير : محمد الفرم وينخاه فيها فى اعتاق رقبت ابن عمه ابراهيم

قصيدتك كفو وانت نوماس وعلمك غانم
صح لسانك وانا اخوك على هلقصيدة الأكثر من رائعة
ونسأل الله أن يعتق رقيت ابن عمك ويرده سالم غانم
شكرا ً لك من الأعماق على هذا الحضور وهذا الابداع
وإن شاء الله تاصل القصيده لراعيها
وتقبل خالص تحياتي وتقديري

	صح الله لسانك ولاهنت وسلم فكرك وبنانك دمت برعاية الله وحفظة

وصح لسانك وبيض الله وجهك والفرم يستاهل المدح

صح لسانك والله يفرج مصيبتكم

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك
..
..
أسجل اعجابي بالقصيدة
..
ويعطيك العافيه ..

والله انه قصد ونصاء من صاء وتوفيق الله

صح لسانك و اسال الله ان يعتق رقبة ابن عمك إبراهيم العازمي

و ان شاء الله الفرم ماهوب مقصر و هو راعي الفزعة

و التوفيق بيد الله سبحانه و تعالى

صح السانك وبيض الله وجهك

تسلم ياالذيب والله يهون مصيبتك ويفرجها لكم

تقبل تحياتي وتقديري