الى العم (البحتري )مع التحيه والتقدير0

	المشاركة الأصلية كتبت بواسطة ابومعروف

	مساك الله بالخير ياعم بحتري وبما انك سبقتنا فالزمان والمكان والخبره فاني اتمنى الرد على ابياتي المتواضعه 0 لاشفتها قلت مطويه =مير البلا والجلا فيها وش رايك اليوم فالحيه =بعد انعقد سمها فيها

هذي على جال طرقيه = رقطاء سم الأذى فيها
سمي وكبر وبالنيه=لاتقول فيها ومافيها

صح لسانك يابو معروف وصح لسان البحتري

ومادام فيها (سمي وكبر ) انا اشهد ان الحيه شيطان وانحرق جلدها
وما ينفع الشيطان لو تمثل لنا في صورة نملة رايح رايح

ابو معروف والبحتري

صحت السنتكم ومازلنا منتظرين هنا

لكي يكتمل الاستمتاع بنتاجكم

يعطيكم الف الف الف الف الف عافية

صحت السنتكم يالربع

	المشاركة الأصلية كتبت بواسطة البحتري

	هذي على جال طرقيه = رقطاء سم الأذى فيها سمي وكبر وبالنيه=لاتقول فيها ومافيها

قدام لاتاصل الفيه =صوبت والرمي يخطيها
وبعد استوى راسها ليه =سبحان ربي منجيها

	المشاركة الأصلية كتبت بواسطة ابومعروف

	قدام لاتاصل الفيه =صوبت والرمي يخطيها وبعد استوى راسها ليه =سبحان ربي منجيها

ان كفت الشر والسيّة=في جحرها لا تآذيها
وان كان عادت له جيّه=للموت نادى مناديها

	المشاركة الأصلية كتبت بواسطة البحتري

	ان كفت الشر والسيّة=في جحرها لا تآذيها وان كان عادت له جيّه=للموت نادى مناديها

عهدي بها قبل حوليه =للناس ترمي بلاويها
وغارو عليها الفداويه =لين انكست شرها فيها

اشكر كل الاخوان الذين سطروا اعجابهم بمتصفحي ولكل من مر وسجل مروره وتحيه لكم جميعا

وشكر خاص للعم بحتري الذي تشرفت معه بهذه المحاوره واعتذر منه لانني رايح الديره لقضاء العيد هناك

وسوف يستمر التواصل معكم ان شاء الله 0

صحت السنتكم
والله يـعـطـيـكم الـعـافيـــــــــــة
بيض الله وجيهكم

	المشاركة الأصلية كتبت بواسطة ابومعروف

	عهدي بها قبل حوليه =للناس ترمي بلاويها وغارو عليها الفداويه =لين انكست شرها فيها

الحية القلبانية =لازم بداها تداويها
وتصبح كما الحبل مرمية= وتموت ويموت حاويها