( خايف على الطلع فحلوقه ) ....... محاوره

/
/
/
/
/
/
/
/
/

اخواني هذه المحاوره جرت بيني وبين الشاعر
/ عبدالرحمن بن مسعد بن دواس ألأحمدي ( فارس العرب )
واتمنى ان تنال إعجابكم

خالد بن عبيد=
لجلي اعدك مـن الشعـار=اللي علـى ذوق منطوقـه
باخذ معك باللحن مشـوار=دام الشعر لاحـت بروقـه
فارس العرب=
يامرحبـا شعـت الأنـوار=ترحيب ساخن لك نسوقـه
مثل المطر حرفكم مـدرار=يسقي لنا القاف وعروقـه
خالد بن عبيد=
تبقى لنا مفخـره ووقـار=شفت النجم قدرك يفوقـه
نشكي ونعرض لك الاسرار=اللي عن الغيـر مدروقـه
فارس العرب=
بين لنـا الحـال لاتحتـار=لاتشاجي القلـب وتعوقـه
نبحث عن الحل بالاصرار=نسري مع دروب مطروقه
خالد بن عبيد=
جسر الموده وقع وانهـار=وتنكد القلب فـي شوقـه
مابه رسالـه ولا مسيـار=مابين عاشـق ومعشوقـه
فارس العرب=
خلك على المسأله صبـار=وداري الخل فـي ذوقـه
يجيك حالي كمـا الجمـار=من بعدها تشاهـد فروقـه
خالد بن عبيد=
طولت صبري على المكار=والوقت بانت لي افتوقـه
يحرق فؤادي لهيب النـار=من بعـد ماتـل معلوقـه
فارس العرب=
القلب سالم من الاخطـار=لو كان شفت اللهب فوقـه
والود صاير عليه ستـار=ماتلحقـه لفحـة حروقـه
خالد بن عبيد=
عسى عدانا تذوق أكـدار=اللي من الحـال محموقـه
صابوا عصى ولفنا بشقار=وروحي من الضيم مشنوقه
فارس العرب=
لاثارت الريح معها غبـار=وخايف على الطلع فحلوقه
محسوب مثلك من الشطار=لاتراعي عقـول مطفوقـه
خالد بن عبيد=
عطيتنـا نصحكـم بقـرار=لجل الشرف عارف ٍ سوقه
راضي بما تحكـم الأقـدار=ولا قطّع حبـال موثوقـه
فارس العرب=
ارويتني مـن زلال أبيـار=يوم الشعر شع فشروقـه
فارس ومعدود فالمضمـار=البستك التاج مـع طوقـه
والمنتدي يجمع الأحـرار=وعلوم الاجـواد مسبوقـه
هذي تحيه لكـم مـن دار=يامرحبـا دوم منطـوقـه

وياصحابنا سامحونا
اخوكم الشاعر / خالد بن عبيد بن معتوق ألأحمدي
وياصحابنا سامحونا

صحت السنتكم
والله يـعـطـيـكم الـعـافيـــــــــــة
بيض الله وجيهكم

صحت السنتكم

دمتم ودام شعركم وبوحكم

الاخ الغالي / خالد اللهيبي
الف شكر لك

خالد اللهيبي
مشكور وصح بدنك ياسمي

[table1="width:95%;border:4px groove blue;"]

الحب الباقي
مشكور على مرورك

رابح الجحدلي
صح بدنك