ياعلي

هذه القصيده
أخاطب بها أبني علي
بعدما تذكرت أصدقائي الذين أبعدتني عنهم ظروف الحياه

ياعلي يابعد ربعن شوفهـم شفـي=هني من شافنـي ياعلـي شايفهـم
لكن لهـم سجـة يوميـن ماتكفـي=علي ممشى نهار أدنـى طوارفهـم
كل بديرة ياليـت بيوتهـم صفـي=اللي علي الطيب صافية صحايفهـم
حتى أن دايم عليهـم كـل مالفـي=أشوفهم كلهـم وأسمـع طرايفهـم
لاشك كل بصـوب ومنـه ويقفـي=مدري متى الوقت يجمعهم وأصادفهم
ياما عليهم صفقت الكـف بالكفـي=الأصدقاء اللي صداقتهـم تشرفهـم
مدح هل الطيب ماني فيـه متخفـي=ربعن وفاهـم مبرهنتـه مواقفهـم
والله مهما أجتهد في المدح ماوفـي=أهل الوفاء حقهم لوجيت أبأصفهـم
من عقبهم عن جميع الناس مكتفي=في غيرهم عيفـوا قلـب موالفهـم
عيني عن اللي سواهم شوفها طفي=والنفس ما تشفق إلا في سوالفهـم
ربعن لا شفتهـم فزيـت متحفـي=وان جيتهم دلهونـي فـي تلطفهـم
رجلي عن البعد عنهم مشيها دفـي=أقفيت مجبور مـا قفيـت عايفهـم
أصحاب عهدك بواحدهـم إذا هفـي=وأصحـاب ماينسـون ولا تخلفهـم
واللي بوقت القسى واللين هم ضفي=لنفوسهم عارفين بـدون أعرفهـم
وختامها عد مابرق الحيـاء رفـي=سـلام للـي صداقتهـم تشرفهـم

صح السانك يالغالي

وحفظك الله وحفظ الله أبنك علي

والله يعطيك الصحه والعافيه ان شاء الله

بيض الله وجهك على القصيدة

واتمنالك التوفيق إن شاء الله

الشاعر زامل العوفي


صح لسانك وعلا شانك


والله يحفظ لك علي

صح السان الشاعر زامل العوفي


بيض الله وجهك

صح السانك يالغالي

وحفظك الله وحفظ الله أبنك علي

والله يعطيك الصحه والعافيه ان شاء الله

بيض الله وجهك على القصيدة

واتمنالك التوفيق إن شاء الله


تحياتي

الشاعر زامل العوفي

صح لسانك


بيض الله وجهك على القصيدة

شاعرنا الغالي زامل العوفي

صح لسانك على هذا البوح

وعلى هذه القصيدة الرائعة

لاتحرمنا من الجديد

لاعدمناوجودك

الشاعر المبدع الخلوق

زامل العوفي


صح لسانك وبيض الله وجهك على هذه القصيده المعبره


تحياتي وتقديري لك

الــــــــــــشــــــــاعـــــــــــــــر زامــــــــــل العوفي
\\\\\\\\\\\\\\\\\\\\\\
صــــــــــــــــــــــــــح لسانك جواهر ولاتستغرب من شاعر مثلك
بيض الله وجهك

الأخ الغالي / أبو روان


صح بدنك وجزاك الله خير على دعواتك الطيبه


وبيض الله وجهك على متابعتك الدائمه


التي تزيدني فخر وإعتزاز







لك مني جزيل الشكر والتقدير