ديوان كسرات الشاعر ماجد عبدالله الجدعاني الحربي ( أبومديدة )

في ليلة من ليالي رمضان المبارك
وعند راعي الكرم والجود والأخلاق الرفيعه
الشريف محمد بن حبيب الله العمري في هدى الشام
يوم الأربعاء ليلة الخميس الموافق 17\9\1429هـ
إجتمع الأصحاب والرفاقه والأخوان على مائدتي الفطور والسحور
وقد تقابلت مع الشاعر الرائع قابل البشري ودار بيني وبينه هذا اللحن

سلام والوقت ماعنُّه=ولاحي سالِم من أنشابُه
اللي مِضى ضاحِكن سِنُّه=اليوم كشّر عن أنيابُه
يامرحبا قطف من فنُّه=والوقت يامكثر أسبابُه
وش جاك ياصاحبي منُّه=فصِّل لنا العلم من بابُه
اللي معي مِختِلف ظنُّه=وماهو على هقوة أصحابُه
غاليه ونغليه لكِّنُّه=صابُه من العِند ماصابُه
أهل الغلا نارهم جنه=والمرء يصبِر على أحبابُه
مدْ الوفا والغلا ثنُّه=لعلُه يراحع حسابُه
أخوك سيف الصبُر سنُّه=وغير المآساه مانابُه
يداري الغُلب ويكِّنُّه=والنار تسعر وتصلابُه
إن كان وفيْت لُه قنُّه=حسب الذي شرّع كتابُه
لحن الجفا ياسمي غنُّه=مادامت الطيب ماجابُه

ويصحابنا سامحونا

بعد التحيه والإحترام
أود أن أدرج لكم هذه المراسله القديمه
والتي دارت بيني وبين
قايد صف ينبع البحر
الشاعر العملاق الشريف احمد محمد الدبيش

الفن مالُه وطن محدود=وكسب الرجاجيل ماينرّد
واللي في بنك الصفا مرصود=رجال مِثلك لهُم نشهد
ذا قول ماأبغى عليه شهود=لجلُه كلام الشريف أحمد
وأنا لك الله بكُم محسود=ياعِّد فالمعرِفه ينعّد

ويصحابنا سامحونا
ماجد عبدالله الجدعاني الحربي
أبومديده

إخواني في هذا الصرح الشامخ
أود أن أكتب هذه الكسره القديمه والخاصه بي
وهي للإطلاع فقط

القيل لُه ناس تعنابُه=راياتهُم دوم خفاقه
على أصولُه وأدابُه=ماهو من الباب للطاقه

أخوكم
ماجد أبومديده

شكوى

فالليل يوم المغني جس=على لحون الصفا والعاج
إنهّل دمعي وقلبي خس=وأقبل عليه العذاب أفواج
وخلاني أهمس بصوتي همس=وأقول في طالِع الإنتاج
ثقيل وزن الشعر ماخس=لكِن يعاني من الإحراج
شاعر فالأقوال يعطي درس=رسمُه دوا والحروف علاج
تغليه وتصافحُه بالخمس=وتجعل وسامُه مقص وتاج
وشاعر بشعرُه يسِّد النفس=يستاهِل الضرب بالكُرباج
الوِّد وِّدك تقلُه بس=وتسكِّر إذنك من الإزعاج

ماجد عبدالله أبومديده

خاطره متواضعه من جديد كسراتي لهذا اليوم
للإطلاع فقط
الخميس 29 / 11 / 1429
لعلها تنول على رضاكم

بين الثرى والثريا فرْق=وأهل الهوى جاحِد ومجحود
ماهو كِذا ياحمام الورْق=عادك صغيّر طرّيْ العود

ماجد أبومديده

إعداد ماضي مِضى ماعاد=وإعداد حاضر ومستقبل
سلام وأبغى اللحن ينقّاد=ويفوز بالمركز الأول
عْد الحيا لا استهّل وجاد=وإعداد مااقْفا وماأقبْل
ترحيب مايخلِف الميعاد=عن قِمة المجد ماحوّل
على كِذا منطِق الأستاد=اللي لعذب الصفا منهل
ألقاه دايم على إستعداد=وعن رسم الأمثال مايغفل
ياحظ مِنهُ إستفاد وفاد=وكمّل مع اللي معهُ كمّل
ومثلك تعلا بناه وشاد=لُه مد مشهود ومكمّل
أنا تعنّيت للميراد=بشرب من الما قبل لاأرحل
لكن ظمايا عليا زاد=وصدّرت عطشان ومبهذل
لجل إيش صدّرت يالورّاد=قدام لاترتوي وتعِل
ويوم الفرح ليه صار حداد=عكس الذي كنت متآمِل
عِد الروى حاسُه الحُساد=الكُل مِنهم على مدخل
إن جيت أبشرب أحِس أنكاد=وإن جيت أبرجع أحِس أشكل
اشرب وراع الحسد ماساد= يفعل على قد مايفعل
والفارس الماهر الصياد=لابد منه الظبا تجفل
الأن هيا ندُّك الماد=ونصوِّب الحِسد في مقتل
حتى تعيش القلوب وداد=قدام زهر الهوى يذبل
لاعاد تذكر ثمود وعاد=والباب من دونهم مقفل
المنطق اللي على الاشهاد= إن قصَر الوقت وإن طوَل
وماأخبُر رجب هل قبل جماد=يحصل من العلم مايحصل
هذا الكلام الصحيح الجاد=اللي فحكم المثل يفصل

لاوين وِصلت عروبتنا=لاوين هذا القهر لاوين
القُدس تصرخ وأُمتنا=بخلاف الأراء متفقين

انته وانا ايش حيلتنا = غير الألم والنظر بالعين
وأللي تولو قضيتنا = عن كل الاوضاع مسئولين

بعد التحيه والإحترام أكتب لكم
زهره أو خاطره

من جديد كسراتي

يمكِن مِضالك زمن فرحان=وماتدري الغْي وِش تاليه
لكن بالإصرار في العصيان=لازِم يجي يوم تندم فيه

ماجد أبومديده

عشية يوم الخميس ليلة الجمعة
الموافق 5|1|1431ه
ونحن في طريقنا لتأدية واجب العزا في وفاة المرحوم
عمر سعد الصالحي
وقد كا ن الجو غائم وممطر فدارة بيننا هذه المحاورة
عسى ان تنال اعجابكم واستحسانكم

الليله ثول ممطورة=وشايف عليها سحب وغيوم
ولعل الاقدام مأجورة=أللي على الواجبات تقوم
يازينها منظر وصورة=وعسى جمال الطبيعة يدوم
ودروب الاوجاب معمورة=واجرك على الواحد القيوم
طبيعة الارض مخبورة=وجمالها للعرب معلوم
بالطيب والخير مشهورة=ومن طيبها نابنا مقسوم
ماجبت حاجة ومنكورة=ذا قول صادق عليه ختوم
واخاف تصدف لها دورة=ويمر بك يوم عكس اليوم
هذه قرارات مقرورة=وانصدر الحق في مرسوم
واقدام الانسان مأمورة=وفي غير سوق الوفا ما سوم
مثلك مخاليق مجبورة=وما تبدل سلومها بسلوم
وان عندك علوم مستورة=مانت على كتمها ملزوم
لناس عادات مشكورة=تبقى على اصلها المفهوم
ونفسن على الطيب مقصورة=ما عندها في العلوم علوم
راعي المواجيب اسطورة=تلقاه بين العرب محشوم
وبعد اجتمع مجلس الشورة=اعطوك تاج وثلاث نجوم

وانكسر هذا اللحن ويا اصحابنا سامحونا

محاوره بين ماجد أبومديده
والشاعر قابل بن فرج البشري
في ضيافةالشاعر / حامد الجدعاني
بمنزله

سلام طيب ووفا مبداه=في حضرة اهل الوفا حاضر
قدّام لانبتدي معناه=اللي من حروفنا صادر
ترحيب والطيب سجلناه=للي حضر واسعد الخاطر
واللي يجيد المثل وبناه=مايقصره فالمثل قاصر
مايستمع فاللذي قلناه=عنيد مغرور ومكابر
في كل الاحوال ماشيناه=لكن عن خطنا ظاهر
شوف السبب فاللذي سوّاه=إن كنت ماشي على الساير
أما لقي له أحد طغّاه=ولا أساس الأمر باير
الكل شاف الذي شفناه=لايُنكر الحاضر الناظر
لكن يمكن بليس اغواه=وابليس ياصاحبي شاطر
ابليس ماهو عذر نقراه=ونسامح الماكر الغادر
خليك صوب الهدف وابراه=وان كان عندك جهد غامر
قوّلتنا قول ماجبناه=واصدرت حكمك على الظاهر
واللي من الحرف أملناه=قفّا خياله بلاماطر
لاواخساره على المجراه=لاغاب عنها رجل فاسر
واقول واقسم قسم بالله=صابر على الشاعر الناكر
العلم واضح وبيناه=إن كان تفهم على الطاير
واستغفر الله لاتنساه=حلفت ياصاحبي فاجر
طول المجادل معك ما ابغاه=والرد مـن جانبـي نايـر
شفنا حصيلـك وصورنـاه=في معمعة مـا لهـا آخـر
بكرة يجي للحـوار قضـاة=وتشوف مين الذي خاسـر
وآخر كلامي بختـم مضـاه=كلاً حسب منطقـه شاعـر