محاورة بشكل ثاني

قالو علامك مادخلت الحضارة = عايش في وسط الريف طول المدودي
مالك رصيد ولا بنيت العمارة = والبيت شعبي من عصور الجدودي
تمشي بسيارة بدون استمارة = موديلها من عهد عاد وثمودي
ضيعت نفسك في القرى ياخسارة= تخايل بروق المطر والرعودي
روح المدن وادخل مجال التجارة = ماينفعك دخل (ن) قليل امحدودي
اسمع كلامي وانت عندك مهارة = لاتكون عن تبع المراجل رقودي
قلت اذكر الله خل عنك العيارة = مازادت الاعمار كثر النقودي
من لمها ماجابها عن جدارة= بالحظ ماجاته ببذل الجهودي
والرزق ياتي للحنش فالمغارة = واللي عطاه الله ماله حسودي
اخوك شاطر محترف في الشطارة = واسعى لكني ما أتعدى حدودي
ساكن في داري واعتبرها منارة = وحبي لها في كل يوم يزودي
راضي بها في بردها والحرارة = واعرف جمايلها ولاني جحودي
يوم السنين القاسية والعسارة = ربيت فيها لين كبرت عضود ي
ثابت ولا دورت عنها خيارة = مثل الجبال الراسيات الركودي
وا للي يجي زاير هلا بالزيارة = والثانية ماعن لقاها صدودي
من دونها زندي يولع شراره = يعجبك فعله يوم قدح الزنودي
والحر مايترك مقره وداره = واللي يروح اليوم باكر يعودي
واعطيك جملة من صحيح العبارة = حكم ضميرك واستمع للردودي
وانت لبيب وتفتهم بالاشارة = حنا تحت حكم المليك السعودي
الحضر واهل الريف واهل البرارة = ترعاهم الدولة وعندي شهودي
اخذ تقاعد من مقام الوزارة = ومن جود خالقنا ترانا نجودي
راضي على المقسوم سر وجهارة = مانشتكي واللا نبيح السدودي
وانا اطلب الله دائما فالصدارة = ولا خاب من يطلب كريم ودودي
واخيل البراق وارعي مساره = واقول يالله من سحاب يقودي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

الحب الباقي وجهك ابيض اخوي ماعليك زود يالغالي

صح الله السانك


قصيدة عانقة السماء بجزالتها وأبداعها

تحياتي لك

شكرا اخوي قناص البرامج ماعليك زود

صح الســـــــــــــــــــــــــــــــانك
وســـــــــــــــــــلم
بنــــــــــــــــــــــــــــــــــــانــــــك
على هذه القصيده الجزله

صح بدنك وما عليك زود اخوي نواف

صح لسآنك ي خآل وبيض الله وجهك..
جزله لاعدمنآك..
ودي وتقديري واحترآمي..
علي العبيدي..

صح لسانك .يابن مريع
جزل انت وجزل بماتخطه يمينك
احترامي

صح بدنك علي العبيدي
ماعليكم زود يحفظك ربي
تقبل الشكر والاحترام