ديوان الشاعر نعيم عابد السيد ( القلب الدافئ )

سلام للشاعر الحساس=من نابع الوجد والاشواق
ضاقت بي الارض ما تنداس=رحب الفضا ضاق ما ينطاق
يا مرحبا يا جويد الساس=ترحيب من قلبي المشتاق
احذر يسيطر عليك الياس=وانزع همومك من الاعماق
اللي كتبته ذهب والماس=اثلجلي الصدر بعد احراق
والحمد لله مافي باس=والياس مالو علم خفاق
دامك فالمعرفة برجاس=لا تحرق القلب والاوراق
خل الامل دوم لك نبراس=ولابد بعد الظلام اشراق

كتبت لك بالحروف حروف=وارسلتها لك برساله
ابغاك تدري عن الملهوف=وابغاك تشفق على حاله

كم قلبت ذكريات الامس=في خاطري وقت سيبنا
عهد الطفوله ورق الحس=والعابنا يوم سلتنا

يا ليتني يا الزمان اقدر=ارجعك للورى واشوف
اللي هجرني ولا قدر=قلبي بعد قدم المعروف

لي جرح ينزف اسى لا نيش=وآنا الذي مدرق جروحي
لكن خوفي من التفتيش=لا فتشوا كاين الروحي

شاجاني الناي وابكاني=لما سمعته اثير الليل
شاسوي ان كان خلاني=اذوق مرَ الاسى والويل

يا نار الاشواق ما تطفين=ما يكفي القلب واتلفتيه
هذاك لوكان ما تدرين=سيب غرامك وولع فيه

كم لك معي يا الفؤاد تون=صبرك مع الياس متساوين
قاسي عليك الغضي ما يحن=وانت تبلويت بالقاسين

محلا كلامه لكلمني=مثل العسل يشفي المعلول
منه الدلع فيه جنني=ويقولي آنا ماني مسئول

( خاطره .. ليلة العشاق )

ليلة بدر في سما العشاق=هب الهوى من جوانبها
قمنا انتعاتب على الميثاق=وقلوبنا في محاجبها