( اليكم مراسله مع الشاعر الكبير/ ابو سالم الرحال)

هذه ألأبيات
ارسلتها
إلى
أمبراطور الكسره
ألعم الشاعر / ابو سالم الرحال

من عندنا صادر المرسـول = يقطع وسيعـات وفجاجـي
للشاعر اللي عليـه القـول = له صيت من صيت هداجي
مرسول فيه الأسى منقـول = والكـذب ماهـو بمنهاجـي
لضروفها مالقيـت احلـول = دنيا عنـا بحرهـا هاجـي
في عُسرها عـدة المعقـول = ضيعت من وين مخراجـي
مسرح حياتي كثير افصول = واشوف في وقتي اعجاجـي
والصبر ماجاب لي محصول = واطلب من الخالق افراجـي
وبرغم ماواجهه من هـول = لازلت انا فـارد احجاجـي

الشاعر /خالد بن عبيد بن معتوق الاحمدي
واليكم رد الشاعر/ ابو سالم الرحال

بعد اطلاعى على المشمول = واللى اشوفه من الساجـى
افيد واللـى عليـه آقـول = من فكـرى آنـا وانتاجـى
المرء فى دنيته مـا ينـول = ولايلتقى طـب وعلاجـى
ما لم مساعيه عرض وطول = يرقى بها رفع ا لأبراجـى
خل الرجى بالسعى موصول = وربك مع الساعى الراجـى
وشد العزم لالزمان وجـول = وخل الأمل نبـع ثجاجـى
لتشيل فوق الحمول حمـول = وانتتـه للايـام محتاجـى
اضحك له الواقع المقبـول = وللياس لاتنصب اسياجـى

محاورة ومراسلة رائعة

من شاعرين عملاقين

وقافية حلوة ذات جرس وايقاع رائع ومعنى سامي

سلمت عزيزي صقر المراقيب وسلم العزيز ابو سالم الرحال,.

لتشيل فوق الحمول حمـول
وانتتـه للايـام محتاجـى
اضحك له الواقع المقبـول
وللياس لاتنصب اسياجـى


ياسلام

عمالقه في النظم والرد والحكمه

صقر المراقيب وابوسالم الرحال

بيض الله وجيهكم

ابداااع راااائع

تقبلوا اجمل التحايا

ودمتم بخير

مشكووووووووووووووور
الشاكر ابو سامي
على تعليقك المشرف

صح بدنك اخوي/ ابن خير الله
واشكرك بالنيابه عن العم ابو سالم الرحال

صح بدنك اخوي/ ابن خير الله
واشكرك بالنيابه عن العم ابو سالم الرحال

صحت السنتكم
وبيض الله وجيهكم

صقر المراقيب ابوسالم الرحال
قافيه في قمة الروعه
الله يعطيكم الصحه والعافيه

الحب الباقي
الف شكر لك

اخوي
ابن فرج ( امير القلعه )
صح بدنك
وتشرفت بمرورك