الى من يهمه الأمر ... (الأخيره)

سلام ياملتقى الأجراح=ودعتك الله ياداري
اليوم برق المفارق لاح=يسري على لحن الأوتاري
عساك ياصاحبي ترتاح=لا شفت خطي ومعذاري
ومثلي ترى فالبحر سباح=اساير الموج واداري
ماخاف من قوة الأرياح=اتبع نجم فالسما ساري
حربي ودايم علومي اصحاح=مشيي نقا طول مشواري
تقدير يانجمنا الوضاح=ماينقص الكيد مقداري
واليوم برحل عشان ارتاح=وترتاح من هم اشعاري

أبووليد كيف حالك عسا ماشر يابن العم00 ياخالد اشبك هداك الله=ثاير على الكل متعصب
الرد بعدين" قبل التعقيب على الأبيات مافيه أحد عاقل يرضى باللي تقوله الرحيل وهل للدار وداع من ترك داره قل مقداره يالصاحب ولو كل ماحدث سؤء تفاهم بين أناس رحلوا لما بقي أحد
استهدي بالله وأعرف انك نائم فرجائي تتصلبي والحق صابون القلوب ياخوك لاعرفنا هانت
00000خلك
"وقفة رقيقي معي تنفع=تراي ليه عليك حقوق"
"من مغرب الشمس للمطلع =الحال والمال والصندوق"

لاااااااااااا اله الا الله

ابو وليد ترانا لاشفنا ولا سمعنا ولاقرينا شي

ولو فيه اللي فيه مايسير تعالج الخطأ بخطأ اكبر

عزالله يابو وليد مثلك فقيده ولانرضى انه يرحل عنا بالسهوله هذي

على العموم هونها وتهون يابن العم

وابو وائل ماقصر

وانا اضم صوتي معه

الا ان كان مالنا خاطر عندك هذا تراه شي ثاني

منتظرين اشراقتك

دمت بكل الود

	المشاركة الأصلية كتبت بواسطة البحار خالد

	سلام ياملتقى الأجراح=ودعتك الله ياداري اليوم برق المفارق لاح=يسري على لحن الأوتاري عساك ياصاحبي ترتاح=لا شفت خطي ومعذاري ومثلي ترى فالبحر سباح=اساير الموج واداري ماخاف من قوة الأرياح=اتبع نجم فالسما ساري حربي ودايم علومي اصحاح=مشيي نقا طول مشواري تقدير يانجمنا الوضاح=ماينقص الكيد مقداري واليوم برحل عشان ارتاح=وترتاح من هم اشعاري

الأخ الغالي خالد البحار صح لسانك وسلم فكرك وبنانك و بيض الله وجهك
مشاعر عذبه وصادقه ينبض بها القلب تحرك القلوب بما تحمله من رقة
الأحساس وصدق البوح وتعكس المود والأخوه الصادقه والنبيله
كسره معبره بواقع الحال و في غاية الروعه والجمال والأبداع والوفاء
سلمت يالغالي وسلم بوحك والله يعطيك العافية
دمت بود وخير متقبل اعجابي مع التحيه العطره

	المشاركة الأصلية كتبت بواسطة سالم البشري

	أبووليد كيف حالك عسا ماشر يابن العم00 ياخالد اشبك هداك الله=ثاير على الكل متعصب الرد بعدين" قبل التعقيب على الأبيات مافيه أحد عاقل يرضى باللي تقوله الرحيل وهل للدار وداع من ترك داره قل مقداره يالصاحب ولو كل ماحدث سؤء تفاهم بين أناس رحلوا لما بقي أحد استهدي بالله وأعرف انك نائم فرجائي تتصلبي والحق صابون القلوب ياخوك لاعرفنا هانت 00000خلك "وقفة رقيقي معي تنفع=تراي ليه عليك حقوق" "من مغرب الشمس للمطلع =الحال والمال والصندوق"

اخي الغالي / ابووائل

تحيه عطره من صميم قلب يكن لك كل ود وتقدير .. وبالك لايروح لبعيد

ترى الموضوع بعيد كل البعد عن اللي يدور فراسك وسبق تكلمت معك

على التلفون بأن اللي بيننا كبير وهذا الموضوع بعيد كل البعد عن اللي

يدور في خاطرك ... وإنما لأمور حدثت خلف الكواليس وهوا اختلاف

في الرأي لا اكثر ولا اقل.

تقبل ودي ابووائل واحترامي وتقديري.

اخوك/ خالد سعود الجدعاني.
البحااااااااااااااااااااااااااااااار

	المشاركة الأصلية كتبت بواسطة ابوفـــرح

	لاااااااااااا اله الا الله ابو وليد ترانا لاشفنا ولا سمعنا ولاقرينا شي ولو فيه اللي فيه مايسير تعالج الخطأ بخطأ اكبر عزالله يابو وليد مثلك فقيده ولانرضى انه يرحل عنا بالسهوله هذي على العموم هونها وتهون يابن العم وابو وائل ماقصر وانا اضم صوتي معه الا ان كان مالنا خاطر عندك هذا تراه شي ثاني منتظرين اشراقتك دمت بكل الود

اخي الغالي والحبيب / ابوفرح

لك خاطر وكبير جداً انت وسالم وكل الأعضاء والأخوان في ملتقانا الطيب

وبيض الله وجهك على هذا الوفاء الغير مستغرب منك.

تقبل ودي واحترامي وتقديري .

	المشاركة الأصلية كتبت بواسطة العسال

	الأخ الغالي خالد البحار صح لسانك وسلم فكرك وبنانك و بيض الله وجهك مشاعر عذبه وصادقه ينبض بها القلب تحرك القلوب بما تحمله من رقة الأحساس وصدق البوح وتعكس المود والأخوه الصادقه والنبيله كسره معبره بواقع الحال و في غاية الروعه والجمال والأبداع والوفاء سلمت يالغالي وسلم بوحك والله يعطيك العافية دمت بود وخير متقبل اعجابي مع التحيه العطره

اخي الغالي الأستاذ/ العسال

سلمت ودمت ولاندمت وماعليك زود يبن العم .. اسعدني حضورك الكريم

ومرورك العطر الذي انرت به متصفحي .. واشكر لك هذا الأطراء الجميل

الذي لا استحقه.

تقبل ودي واحترامي وتقديري .

دمت بكل الود.

حيااااااااااااااااك الله يا ابو وليد

و سلمت يالغالي على تواجدك

و ما أخفي عليك و الله اني زعلت يوم قريت هذه الكسرة

لكني كنت على يقين بعودتك

فلا عاد تطري سالفة الرحيل مرة ثانية

فأنت أحد أركان الملتقى فكييييييييييييييف تروح ؟

اخوي خالد صح السانك وبيض الله وجهك وستين الف ونعم فيك وبقبيلتك


والاختلاف بالراي والامور العضيمه انا متاكد انها تتهاوى امام وقفتك الشامخه ورايك النير وحبك لقبيلتك

لاعدمناك ولاعدمنا اباعك


لك صادق ودي وفائق تقديري واحترامي

	المشاركة الأصلية كتبت بواسطة عبدالعزيز الزويهري

	حيااااااااااااااااك الله يا ابو وليد و سلمت يالغالي على تواجدك و ما أخفي عليك و الله اني زعلت يوم قريت هذه الكسرة لكني كنت على يقين بعودتك فلا عاد تطري سالفة الرحيل مرة ثانية فأنت أحد أركان الملتقى فكييييييييييييييف تروح ؟

اخي الغالي والحبيب / ابوغازي

كل عام انت والأهل ومن تحب بألف خير وعافيه وسعاده

وعلى راسي يابوغازي وحقك عليا وكيف ارحل عن اخواني وربعي واهلي

لكن ثورة غضب يبن العم من امور حدثت خلف الكواليس واختلاف

في الرأي لااكثر ولا اقل .. وطالبها يبن العم.

اشكر لك هذا الحضور المتميز الذي انار متصفحي.. وتقبل ودي واحترامي

وتقديري.