جنـب خطوتهـا دمـوع اهدابهـا

مسكين ياقلب الغضي من ضيق باله والعـذاب=تشكي همـوم و همهـا فـي وقتهـا يشقابهـا
تذكر هموم الوقت واللي صار في لحظة عتاب=فزت معاليـق الضمايـر يـوم تذكـر مابهـا
وقامت روابع خاطري متسلسله مثل السحـاب=تسرد عن اللي شافت اعيونـي ولا ترضابهـا
أحزانها وهمومها صفحات في وسـط الكتـاب=تقرى الهمـوم اللـي بلاويهـا علـى كتٌابهـا
ذابت عيونه من دموعه والسبب جور الصعاب=قدام عيني ثـم عجـزت لا تحكـم اعصابهـا
مالومها في حزنها من بعـد طـوٌل بالغيـاب=نوماسها في وقتنـا القاسـي واعـز احبابهـا
غاب وتغيب عن نظرها والسبب ماله جـواب=غربة زمان أتشوفهـا مابيـن أعـز أقرابهـا
في عيدها وقت الفرح غاب الفرح من بعد غاب=وفي موقها لمع الحـزن و أحزانهـا تزهابهـا
راحت وقفت والوعد من بيننـا مالـه حسـاب=تسحب خطاها والأمل فـي دربهـا يسعابهـا
تمشي على درب الأمل لو الامل دربه عـذاب=أتبع خطاها جنـب خطوتهـا دمـوع اهدابهـا
أشوف بحر الحزن قدامي وبحـره كالسـراب=يوم اتبع أخطاها أشوف الحـزن حتـى بابهـا

أمتعتنا يالجابري ياحمود في فن الخطاب=لو إنها قصة حزن لكن نسجت اهدابها
ابيات شعرك صغتها بابداع يالقرم المهاب=يسلم لسانك من طلوع الشمس لين غيابها

دم بعز وتقبل إجلالي

تسلم ياحمود وبيض الله وجهك على هذه القصه بل القصيده

حقـــــــاً اتقان رائع في فن البدع والتصوير والآخراج .

كيف لا تكون كذلك ... انته دائماً مبدع ياحمود.

لك مودتي واحترامي ,,,,,,

صح لسانك يالبناخي على هالقصيده الجميله00
بانتظار جديدك لاتطول00

صح السانك حمود وبيض الله وجهك اسجل اعجابي بها القصيده الله يعطيك العافيه

أمتعتنا يالجابري ياحمود في فن الخطاب
لو إنها قصة حزن لكن نسجت اهدابها
ابيات شعرك صغتها بابداع يالقرم المهاب
يسلم لسانك من طلوع الشمس لين غيابها

بحق لا ازيد على هذا....

لك كل الود والتقدير,,,,

صح لسااانك وسلم بنانك
دمت اخي بكل الود

الشاعر المبدع
حمود الجابري
صح لسانك صح لسانك
قصيده جزله ووافيه
بيض الله وجهك على هذه الرائعه
قصيده عن قصائد
قصيده فيها من الابداع الشي الكثير
تستحق منا قراتها اكثر من مره
لما فيها من الجزاله
الله يطول بعمرك
يامشرفنا العزيز
وننتظر ان تتحفنا بقصائدك
وابدعاتك الشعريه

صح لسانك على القصيده الرائعه

	المشاركة الأصلية كتبت بواسطة عبداللطيف العوفي

	أمتعتنا يالجابري ياحمود في فن الخطاب=لو إنها قصة حزن لكن نسجت اهدابها ابيات شعرك صغتها بابداع يالقرم المهاب=يسلم لسانك من طلوع الشمس لين غيابها دم بعز وتقبل إجلالي

اخوي المشرف
عبداللطيف صح بدنك ومرورك تشريف
وشهادتك وسام طال عمرك.