ديوان الشاعرعبدالرحمن بن عاتق البيضاني (راحل)

زاد الوله والتجافـي طـال=والزيـن بالصـد شقانـي
أثر المباعـد يسـم الحـال=له جـرح بالقلـب جوانـي
وسوست صرت أسأل الجوال=ماكلـم الزيـن يبغانـي ؟
ولسان صمته يقـول هبـال=شوف الهوى ويـن ودانـي
الدمع من بعدكم سيال=والنوم لليوم ما جاني
يفداك كل الاهل والمال=اخاف تقوى وتنساني

بعد الذي صار معيه صـار=ولا أحدٍ فقدني من الأصحاب
وأجب عليَّ السلام امـرار=سلام مثل العسـل لاطـاب
ترحيب ونقدم المعـذار=ياصقر في عالي المرقاب
حنا نعدك مـن الاخيـار=وما صار قفل عليه الباب
عسى البقاء راعي المقدار=ياحر وقت الملازم نـاب
خايرت وأخترت والله خار=تفداك ياجيـد الأنسـاب

عفت الصبر والزمان اسـود=والحاضر اصعب من الماضي
زاد العنا والصديـق ابعـد=ولاني على ما مضى راضي
الصبر مالك عنه مرصد=ولاله بدل به تعتاضـي
والكل لو كان له تفقـد=بالصبر انته لهم قاضي

لي خل اسمه كسير الشام=ما بين رابغ ومستـورة
اكرام مثله علينا الـزام=والكل مشتاق لحضـوره
في مرقبي رافـع الاعـلام=والقلب في غاية اسـروره
لجل ابو عاتق عطاه اوسام=فالمنتدى بيـن جمهـوره

يوم حصّل القلب مطلوبه=العين عيّت عن المطلوب
قدرة على الخلق مكتوبه=يا عين مالك عن المكتوب

عشرين وريتهـم قلبـي=متخصصة في مجال القلب
تقرير مركزهـم الطبـي=حالتك يعجز عليها الطب

من يوم فارقتكم ما بـت=حتى الرسايل قطعتوها !!!
ادعو لي الله تراني مـت=من يوم عيني حرمتوهـا

مسلم عليه البكى واجب=نعم الخوي طيب الأفعال
اسمه عن المنتدى غايب=نبغى إفاده عنه فالحـال
عسى العذر يقبله صاحـب=في غيابي اللي عليهم طال
فالطبع ظرف الزمن غالب=يبعدك عن كل شي(ن) عال
اسمع صدى ونة الشايب=في خاطري قول ما ينقال
والقلب في ودهم ذايـب=أسيرهم والوصال محال
مانته من الطيبه خايـب=مادمت لك فالمحبه جال
خل الامل فالغضي ساكب=وربي يهيي لك المنوال

سلام والطيب قايدنا=للمنتدى وكل احبابه
رابغ مجالسك تسعدنا=بملايم القاف واربابه
ترحيب .. من دونكم ضعنا=يا قايد القـاف وشهابـه
رابغ نغم فـي مسامعنـا=مع نغمة الشوق متشابـه

يا مجربين الهوى والود=البارحة سالت الدمعـة
كل ما زهمته عني صد=ويقول لا يمكن الرجعة
الصبر لأهل الهوى لابد=لاجل الأسى دايماً طبعه
واللي مقفي وعنك ابعد=لاعاد تهتم في وضعـه
ابشر انا جيتكم بالـرد=مني انا فازع(ن) فزعه
هذا الهوى وقت ويجدد=يعمل مشاهد وهي خدعه