ديوان الشاعرعبدالرحمن بن عاتق البيضاني (راحل)

انت الذي فالمواقف ذيب=تاقف على العلم وتجيبه
مثل القمر لو فيوم يغيب=كل المخاليـق تدريبـه

اللي تصدر لفوج الشرق=خالف هوانا وممشانـا
بين الثرى والثريا فرق=يا مرحبا والسعد جانـا

قطعت لي عندهم مشوار=تقليدهم يغلب الأصلـي
كبيرهم ظالـم وغـدار=وصغارهم حاولوا قتلي
من يغرس الطيب باالاحجار=مااظن يجني عسل اصلـي
يبقى على حالتـه محتـار=مابين الاهـداب والكحلـي
آه الذي لاجفتـه الـدار=و خلوه عن ديرته يجلي
يضوي على قلة المقدار=وينام فالوادي المخلـي
عيد النظر حضرة البيطار=واتمقل الصنف بالمهلـي
كنّه ذهب عالي المعيـار=إدمح عن الشيخ والجٍهلي
مايقيمون الكبار صغار=وما ينغلب مثلك ومثلي
واذا الغبي يغلب الشطار=آنا عن العالـم مولـي
لا تأمن الغـادر المكـار=والظالم الجاهل المبلـي
الزم هل الطيب والمقدار=واتبع هل العرف والعدلي
جيت استمع من كبير الدار=كـلام لهمومنـا يجلـي
تقدير للشعـر والشعـار=اللي لهم فالمثـل قبلـي

وين الذي بالوعد يوفي=وين الذي يجبر الخاطر
أنوح وافـرّك كفوفـي=على فقيد العرب ماطر

اهديت لك عـذق مدلـي=من جيد الـزرع ونقاتـه
واليوم كـل ذا يحصللـي=من شخص احبه لجل ذاته

الله يجعلك لـي مكتـوب=والقاك لو آخر العمـري
ما عاد لي فالبشر محبوب=يارب فوضت لك امـري

سـلام يـا قـوم قدامـي=سـلام معطـر بالريحـان
الوقت ارخى لي حزامـي=هل عندكم للضيوف احسان
الضيف له عدة ايامـي=واقف على بابكم حيران
بزبنك يا محمد الشامـي=قرب لي الفول والقرصان
سلام ينصـاك متنامـي=ياللي تحوّم على البيبـان
الضيف له واجب الزامي=عند العرب والذي له شان
ردك على صدري وسامي=يا مبخر الضيف بالدخان
الناس في خير وانعامي=والنفس ما تقبل الحيتان
دخـان عـود وابشامـي=ننطح به الجار والضيفان
ونقدم الزاد لـه حامـي=ان حوت والا من الخرفان
وان عفت عيش وإيدامي=طبخنا كبسـة الضبـان
كم طير فربوعنـا حامـي=يجي عليه المسى حدمـان
يقضي ورى الشبك اعوامي=ويباع في سوق ابن سمران
وكم طير حام بنظامـي=لاشاف جفوة ولا حقران
مادام قانوننـا اسلامـي=بالزود نفرق عن العربان
اليوم يوصف بالاجرامي=ويحط في آخر الديـوان
ويمشي مع الناس بلثامي=يا ليت هذا الزمن ما كان
الناس في تال الأعوامي=ترى بدال الزمن أزمان
ما كل من صدّق وصامي=يقصد بها طاعة الرحمن
تأثير أصحـاب الاقلامـي=خلى قوي العقل حيـران
لا تصدق اللي فالافلامـي=واللي عن المرجلة عجزان
صادق ولابـك تغشّامـي=ولاانت مخطي ولا غلطان
لمّة كناديـس ورمامـي=ماظن يرجح بهم ميـزان
وله عندنا حبس واعدامـي=من كان يخرج على السلطان
وللّديـن بنعيـش خدامـي=ولجل الوطن ترخص الاثمان
عيوننا صابها سقامي=هذا الممثل وذا الفنّان
عازف أوتار وأنغامي=لا وا حليلاك يالطربان
غاب الهدف عنك يالرامي=والشمس من دونها أمزان
أصحى يتفداك ضرغامي=والليل في آخره فجـران

من بحركم يخرج الدري=انتم أهل علم يا سـاده
عنكم وعن بأسكم أدري=فالماقف الصعب جلاده
مرحب هلا يابعد عمري=والطيب في طبعكم عادة
العز به خيلكم تجـري=بيضا لكم وانتم القـادة

سلام يا طير يا مهاجر=يللي حساسك مسلينا
الله يجازيك يالناجـر= فرقت بين المحبينا
ترحيب يؤنس لك الخاطـر=ولاجل مؤاساتك جينا ملبينا
وش (يابوعاتق)النـاجـر=هو من الفرقين ولا المحبينا

73
73
73
73