ديوان الشاعر فايز نافع الاحمدي

كســـــــــــــــــره

من زان طـــــــــــــــــبعه وتأديبه=في ساير القول والأفـــــعال
رب الملا يرزقه هـــــــــــــــــيبه=يحسد عليها من العــــــقال

سلام عليكم

لا تغصبون المعاني غصب=والكل يبغى له قياده
درب الفتى للمعالي صعب=والقيل له فن ورياده

محاوره بيني وبين الشاعر الرحال
الرحال0

الي الاحبا بعـــــطر الورد=سلام يحـــــــمل لكم ورده
من قلب صادق لكم ومود=والرب يشــــــهد على وده
ترحيب يامن بكم نــــــسعد=ريس بالاـمـــــــثال ونعده
كلاً على طيــــــــبكم يشهد=وابوك ورثـــه عن جدوده
تبقى وحنا بكم نــــــــــسعد=والسعد تبقى لك ســـعوده
يامن لكــــــم بالوفى مورد=تارد وتنــــــهل من عدوده
هات الذي في الخـواطرجد=لاتحبس القــــيل في قيوده
نبغى مثل نذكــــره في الغد=ويبقى للأجـــــيال مردوده
هي أستمع ما أستكن وجد=في اول الشـــــرح وبنوده
فالروح نار الا ســــى توقد=والقلب تبرا الاسى لهوده
انا مع المـــــــشتكي لا عد=بنود شرحه ومقـــــــصوده
مهما الاسـى كان يبلغ حد=لا بد له أسباب في وجــوده
ما تعد الأســـــباب لو بتعد=شتى فحلقــــــــات مفقوده
أنظر معي بالذي نشـــــــهد=في وقت يامكــــثر انكوده
ماقر فكري قريب وبـــــــعد=حتى لكم يبذل جــــــهوده
نبغى نصـــل غايت المقصد=وجيوش الامال محشوده
مابين جزر الــــبحر والمد=وهاجس القلب وصدوده
دون الهدف والمرامي سد=وافاق صعبه ومـــسدوده
مايدوم فيها الأسى والعند=وايام الأفراح محـــــدوده
المرء لنه ســــــعى ومجد=لا بد يوصل لمنـــــــشوده
ياما سعيــــنا وبذلنا الجهد=بين الرجاء ونار مردوده
عيا يجي ناتـــــــــجه بالرد=لالي تكالبــــــته ازهوده
خلى الامـــــــل دوم متجدد=واليأس مقتول في مهوده
الناس وانته وانا نــــشهد=أن المنى عــــسره مدوده

كســــــــــــــــــــــــره

تهامل الدمع من عـــيني=مجبور لجــــــــلي مودعهم
وشغلني الفكر في حيني=كيف النظر ينحــــجب عنهم

يامشاجي القلب تستعطف=مـاوده القلـب بليامـك
خلاص نبع الموده جف=وطويت أنا صفحة أيامك

كسره

عازف نغم في توالي ليل=خلى عليل الغرام ينوح
هيض على خاطره بالحيل=لما تغنى بعذاب الروح

ياعين يكفي سهرك سنين=أوصلك ليل الأسى حدك
لو البكى يردها ياعين=ماجفـــــف الدمع من خــدك

من جديد

عاندني الدمع في عتابك=أكتب ودمعي يزيل الحرف
عذبتها الروح في غيابك=والقلب سوا سواة الطرف

كل المعاناة توصــــل حـــد=الا أنــــا مـــع معـــــانــــاتي
لي حظ واقف خصيم وضد=ويصد الافراح عــــن ذاتي

لما الامل مد لي يــــده=يبغى جروح العليل تلم
قلبي خلاص الأسى هــده=ودمع المحاجر تبدل دم