ديوان الشاعر عبدالرحمن سليم سلمان الاحمدي ( ابوتركي)

مع كوكب الهم وبحر الويل = اليوم يسئل بقاي الأمس
كيف النهار يشوف الليل = والحب بين القمر والشمس
احمس لنا البن وجيب الهيــل = وقت المفارق تجسس جس
تلقى الحضن والمداري سهيل=فـــــوداعهم شوفها باللمس

سحابة ،، البعد والهجران=بانت ،، وهلت بوارقهـا
تبني كما يبنـي الربـان=فالقلب تنزل صواعقهـا

مبعوث لاهل الوفاء مني=سلام محفوظ ،، مقـداره
ياملتـقـى حــرب طمـنـي=عن حاله الحر واخبـاره
يامرحبـــا جيت متعني=عن ملتقى حرب ودياره
اطلـــب لـــه الله يافني=يعفيه مـــــن كل ماجاره
عسـاك سالـم ومتهنـي=راع الوفا وانت بيطـاره
مايخيب في مثلكم ضنـي=مثل العلم فالسمـا نـاره
واما الذي غائبـاً عنـي=وعنّك عسى تزول أضراره
وكلاتنـا ميـر مستنـي=الملتقـى وكــل زواره

تغلط وتجرح وأداوي = واشيل همك وأفكر فيك
وأزعل واجافيك وأكون ناوي = هجرك ولا عاد أجيب طاريك
وأن كان وجودي لك يساوي = بأغلى ثمن تشتري شاريك
اليوم في صفحتك طاوي = سجلك وقيدك وكل ماضيك
أبكي وأهل الدمع هاوي = لفراق دار السعد برضيك
تبخل عليه بخشب جاوي = وأنا حديد الزمن معطيك
وأعلم ترى فالحياة كاوي = يدخل على القلب ويكويك
وترجع على دمعتك ضاوي = وعيني من دموعها تسقيك

في بحر الاشواق لي مركب=يبحث ويجمع من الاصداف
فشراعه العاصفـة تلعـب=والموج كسرله المجـداف

فوق الطبيعه معايه صار=منظر طبيعي ولا ينعاد
صدفه لقيته بجنب الدار=ضايق وخلى الحياه عناد
واصبحت اشوفه بدا ينهار=يثبت وينفي بدون اسناد
في قلبه اشعل لهيب النار=لقمت من جمرها البراد
يقلب حشاها وماها فار=لون الذهب في حلاها زاد

ياساري " الليل " ياجمال=غني اذا قرب المهبط!!!
لجل القوافل وراها رجال=تعقد على جروحها مربط

فالوصل عندي امل اقبض=لحظة فرح وابتسامة عيد
شارك فؤادي وبدأ ينبض=احساس خلا الشعور يزيد
داخل وريدي بدأ يركض=ناحت جروحي من التنهيد
اشلون درب الهجر يُنقض=حتى عروق البعاد تبيـد
لاشك جور الهجر يفرض=واقع من الهم والتنكيد
ولوكان نقدر عنه نعرض=مايهمنا من يكون بعيد
ومنه لعهد الوفا يحفض=يبقى على مرقبه لا يحيد
لعل نجم الأمل يومض=ويشرق بنوره على مانريد

الفعل لابـد لـه فاعـل=لو اختفى بالضمير ايبان
القلب!! وشلون يتفاعل؟=بالشوق مع واهج النيران
لازال عندك سبب ماثـل=ومن السبب تفتح البيبان
مع باعث الشوق تتعامل=والقلب عندك له الميزان