ديوان الشاعر نعيم عابد السيد ( القلب الدافئ )

مهما حصل فالنبي منصور=وضعافة النفس ما تهمه
شدوا على الكافر المخبور=وخلوه يقعد على همه

يا شادي الصوت ويش امرك=تجرح بصوتك قلوب الناس
ما تخاف بعد الحشر ربك=ما ترحم المرهف الحساس

سلام في اول كتابي=للي ذكرني باسم الطيب
والطيب في اصلكم رابي=مشهود في طبعكم ما يغيب
ترحيب في اول خطابي=للي احتزمبي لزوم يصيب
تو القمر شوف ما غابي=عطني خطابك هات وجيب
يا مبارك الموج قلابي=وحالي كما الموج فالتقليب
ابغى اتفكك من انشابي=وافك من حالة التنكيب
برمجت الافكار واعصابي=واعطيك موجز من التجريب
خلك مع الساعيه شابي=حسب السرى وانت فالترتيب
بالصبر ذكر الفتى طابي=يخضر عود القنى ويطيب
لازم يجي لسعد بابي=تجيه لو رحت تل ابيب

للمنتدى مصدرين خطاب=للسيد اللي عضو فيها
سلام عذب المعاني طاب=لهل الهوى دوم نبنيها
يا مرحبا تاخذه فكتاب=عنوانه الود باديها
نصيتني والهوى غلاب=عطني معانيك وابديها
الحال يعلم به التواب=شاكي له الحال شاكيها
القلب صابه هجر احباب=من ناس بالحيل مغليها
للآن ما بانت الأسباب=واللي حصل في مخافيها
ببذل لكم بالجهد ما طاب=بس اتحراك ترويها
اللي حصلي بدون اسباب=ولا جاء فالبال طاريها
اقفى وخلالي الإنشاب=كل يوم اصبح وامسيها
يامن شكى لوعة الأحباب=وهمه على خط قاريها
دوبك على قلبك المنصاب=لا تزيد بالنار كاويها
ما دام روح بدون جواب=وش ذنب روحك تعنيها
كل ما مضى انكتب بحساب=وحسابك اليوم تنهيها

آنا اشتكي من صميم الذات=من ودكم في حشى الخفاق
كل ما بدا حس بالهجران=زاد ابتعد داخل الأعماق
يا مرحبا والمحبه جات=من نور شعشع لنا الآفاق
يا كارم انت من اللي فات=معطينك القلب والاشواق

ابعث سلامات لناخي=مع باقة الورد مهديها
راع الكرم بالوفى ساخي=وكل المقادير معطيها
يا مرحبا وانت نواخي=معروف من عهد باديها
اتروق الحرف لا داخي=وتجيب بالود ساعيها

مرثيه كتبتها في حضاض اليوبي ( رحمه الله )
على لسان عمي ..

والله الفجيعه صديقي مات=حضاض يوم الخبر جاني
فجر الأحد والعرب فسبات=يا كبرها مصيبة احزاني
كنا سوى قبلها بلحظات=في غاية الأنس خلاني
ما حسبت في عقبها الحسرات=ولا جس في خاطري ثاني
صحيح موت الفتى مثبات=يجزم به القلب بإيماني
والموت يآتي على غفلات=مكتوب ويحد بـ ازماني
وحضاض انا بسكب العبرات=من حرقة القلب واعياني
يا طيب الذكر والسيرات=يا حسبة الأهل واخواني
كريم تشهدلك الوقفات=مع ابعد الناس والداني
مخبور يا شهم بالفزعات=تصلح وتعفي عن الجاني
الله يرحمك بالرحمات=لجل إنه الله رحماني
ويسكنك فردوس فالجنات=غانم ومبسوط ربحاني
ويصبر اهلك على الفجعات=ويلهمهم ايضا بسلواني
ويثيبهم بالأجر بالذات=ويزيدهم منه بحساني
وختام صلوا معي مرات=على النبي والعمر فاني

سلام يا عمنا سمران=بالود والصدق والتقدير
تسمح معي نبدع الألحان=ونجاري الشوق يوم يطير
ترحيب من منبع الوجدان=يا راعي العرف والتبصير
شرواك يا الهاشمي ربان=دكتور فهذا المجال مدير
منك العفو يا صقر شيهان=شهادتك لي يوم تشير
لي نجم من سبته سهران=شاغلي العين والتفكير
شيد الامل واحكم البنيان=لو كان جافي وعليك يجير
اجيال ضاعت مع الاحزان=اصحى تكدر مهما يصير
ما فيه بيناتنا هجران=خلك معي وافهم التعبير
مسجون طيري ورى القضبان=وابى استشيرك فالتحرير
يا قدرة الله عليك وكان=شكواك ما تحمل التأخير
سايس امورك مع السجان=عساه يعفي عن التقصير

يا زينه الي يحاسبني=حتى على مسكة الجـوال
لو يدري إنه معذبني=ما ارتاح له طرفه الميال

بالطيب تكسب قلوب الناس=وتخلي الكل احبابك
حتى عدوك شديد الباس=يصبح لك اقرب من اصحابك