ديوان الشاعر نعيم عابد السيد ( القلب الدافئ )

سلام تسليمة الإسلام=حسب الشريعة على المله
اعداد ما هبت الإنسام=واعداد عطر الزهر كله
ترحيب يا عازف الأنغام=اقلط على الكيف والدله
ايام راحت وجات ايام=والقلب شرواك محتله
ذبحني اللي عليه لثام=ابوه لا ابوه من قله
يرسل علي الغرام اكوام=وانا تلوعت من دله
اعتب على طرفك الحوام=الي من العام يرسله
من بعد جته المنايا اسهام=ما ينفعه سيف لو سله
عنيد راسي واشد حزام=واللغز فالعين من حله
يرمي سهومه ولا ينلام=والمدعي يونس العله
لو كنت ماشي معه بنظام=لغزه فالأعيان تفطن له
لكن تدرى ورى الأحلام=والريق الأحلام ما تبله
آنا السبب عشت فالأوهام=ومنيت قلبي على وصله
والآن يا قاضي الفهّام=وش ظنك القلب بنقله
قله كفايه كفايه اسقام=يا قلب خل الغضي خله
ما نابك إلا قهر والآم=ولا عاد لك دمع وتهله

كلي هوى فيك يا المجمول=عيني وقلبي واحاسيسـي
حتى فشعري لا جيت اقول=القاك فـاول هواجيسـي

يا لافي إنظر معي وش صار=في حالنا اليـوم وافتينـا
فالسوق غليت بنا الأسعار=وقل المطر فـي اراضينـا
خصيت لافي وانا البحار=انـوب عنـه بناخينـا
حنا بلانا مـن التجـار=وقل المطر من بلاوينـا
والله أنا مثلكم محتـار=في أيامنا مـع ليالينـا
لا ماء في أرضنا مدرار=وفلوسنا مـا تعشينـا
ابوك مثلك من الشعار=محتار شلي حدث لينا
الله اكبر على التجـار=ما عاد خلوا عقل فينا

مالك كذا يـوم تتركنـي=وتكبني في لهيب النـار
اخلفت ما كان في ظنـي=كنت احسبك توفي المقدار

الله يسعدك يا ابو فياض والله ماقصرت يا النشمي

لا ابشرك الحين عندي الدفتر وابسجل كل كسراتي

والله يعيني فيها إن شاء الله

وإن شاء الله بتقرى الي يسرك

ابو بتال

نبدأ بالمرحلة الأولى وكانت من عام 1415هـ حتى عام 1420هـ
ـــــــــــــــــــــــــــــــــــــــــــــــــ
اول كسره كانت ..

يوم البكا صار عاداتي=بشرح عذابي بدمع العين
بشرح عذابي لساداتي=الي سبوا حالتي بالزين
دمعك ذرف زود آهاتي=هذا الهوى في ظروفه شين
الود ما يحد بوقاتي=حتى صغار العمر شاكين

ابو بتال

سلام مني وفى ينصاك=ينصى سكين السهل ونجود
يا من فنجم السما لقياك=انت قمر فالليال السود
يا مرحبا والوفى يمناك=يا شيخها ما عليك ازود
وازيد يا صقر في معلاك=شيهان في داخلي موجود

ابو بتال

عيدي وعزايا فنفس الوقت=في وقت خلي نوى الهجران
آهات فالقلب واشتبت=وشبت وريد الحشى نيران

ابو بتال

بنشدك يا العين عن خلي=الي فقلبي بناله بيت
يا هل ترى طيف ومولي=ولا غدا فالترايب ميت

ابو بتال

خلي رماني برمش العين=باسبابها النوم ما جاني
واصبحت راجي لرمش الزين=ما تجرح القلب من ثاني

ابو بتال