ديوان الشاعر نعيم عابد السيد ( القلب الدافئ )

بسم الله الرحمن الرحيم

اطرح بين ايديكم ديوان ( كسراتي ) المتواضعة، والتي آمل من الله أن تحوز على رضاكم واستحسانكم..

حيث كانت بدايتي في كتابة ( الكسرات ) عام 1415هـ تقريباً، وسأحاول جاهداً ان اجمعها لكم هنا في ديواني الذي اسميته

( القلب الدافئ )

ولكم جل احترامي وتقديري


ابو بتال

سلام للملتقى الحربي=سلام عـ القن وعلومه
من ود وسط الحشى يدبي=نعيم جاكم بمرسومه
يامرحبا والعرب قربي=يامرحبا نعيم واقدومه
الطيب دربك على دربي=نعيم لا هلت انجومه

شا سوي إن كنت به مرهف=وإن زود الشوق فحروقي
اشتقت له فوق ما يوصف=لين اشتكى الشوق من شوقي
امشي على الطبع لاتخلف= خلك معه دوم برفوقي
الشوق دايم ترى يعرف = مثل الزباين مع السوقي

يـا نــاس شـوفـوا علـيـل الــروح=داووه قــــــدام لا يــهــلـــك
خــلاه بـحـر الـهــوى مـطــروح=مـن بعـد مـا ضـيـع المسـلـك
ترحـيـب مـعــه العـبـيـر يـفــوح=يــا وارث الطـيـب مـــن أصـلــك
نعـيـم هـــات الأمـــر بـوضــوح=لا تلـحـق الـلـي مـشـوا قبـلـك
سهمه ضـرب قلبـه المملـوح=لابـد ياصـاح مــن عـزلـك
كثـر البكـا والألـم والـنـوح=خلاك تشكـي ألـم خلـك

يا نار الاشواق ما تطفين=ما يكفي القلب واتلفتيه
هذاك لو كان ما تدريـن=سيب غرامك وولع فيـه

مع لمسة اليـد للكاسـه=ثارت بحاسيسنا الاشواق
كلي تعب جيت لحساسه=الناعم الدافي المشتـاق

كم لك معي يا الفواد تـون=صبرك مع الياس متساوين
قاسي عليك الغضي ما يحن=وانت تبلويـت بالقاسيـن

قصة سنين الهوى كانت=مع ارهف العود يا سمّار
واليوم بعد الصفى راحت=بعد اتضح خافي الأسرار
مــا اظـنـهـا مـودتــه هـانــت=ما دمت نادم على اللي صار
كـم معضلـه بالصـبـر زانــت=والليـل عقـبـه يجـيـك إنـهـار

الله يرحمك يـا مشعـان=بعد الأجل حان ميعـاده
ساب الأحبه مع الصدقان= الله عسى الخلد مخلاده

يا غافـل القلـب وش نسـاك=(الموت) و (القبر) و (المحشر)
عايش (أمل) فالحيـاه اغـراك=ما تخـاف (لامـت) تتحسـر
أغفر لعبد (ن) إلاهي أتاك=فقر(ن) ترجاك له تغفـر
واحسن ختامه على تقواك=ويسر له الخير وله قـدر