( أشباه الرجال )

= ( أشباه الرجال )
=المجلس اللـي مـالـي بـه قـابليـّه
=يـحـرم عـلى رجـلي تـدعـس فـراشه
=ما دام في المجلس نفوس ٍ شقيـّه
=ما حطـّها رجلي على ارض الهشاشة
=نفسي ما تقـبل كـل عـيب وخـطيّة
=ولا تـقـبـل الـزلاّت وأهـل الوشـاشـه
=ولا تقـبل أشــباه الرجـال الهــفـيّه
=ولا تـقـبـل اللـي كـل مـزحه دفـاشـه
=اللـي يـجـي للناقـصـة والـرديـّه
=واللـي لحـم غـيـره عـنـده نـهـاشـة
=واللي يشوف الناس بنظرة دنيّه
=ويشـوف نفـسه بـارد الـخـد بـاشـة
=ما تـقـبـل إلا ّ مـن يـقـدّر خـويـّـه
=لا شـاف زولـه قـام لـه فـي بـشاشـة
=تلقى الوفاء والطيب عنده حويـّه
=وعـند الـكـرم دايـم يـزيـد انـتـعـاشـة
=لا من زبنته كـان عـون وحميـّه
=وكـلامـه الـمـوزون مـابـه غـشـاشـة
=هـذا الصديق ونعـم من كان زيـّه
=أمـّا الـردي للـسيـل جـعـلـه قـشـاشـه
=شعر /ضيف الله مناور البدراني (أبووليد)

صح لسانك يابو وليد وبيض الله وجهك

صح لسانك كثر حروفها واكثر والله

قصيدة جزلة بالحيل ، وكل قاف احسن من الثاني .


تحياتي

صح الله السانك


قصيدة عانقة السماء بجزالتها وأبداعها

تحياتي لك

ابو وليد

صح لسانك على الإبدااااااااااع

الشاعرالمبدع
ضيف الله بن مناور البدراني
صح لسانك صح لسانك
قصيده جزله ووافيه
حملت كل معاني الابداع والجمال
بيض الله وجهك
وعسى عمرك طويل يابووليد
وننتظر ان تتحفنا بقصائدك
وابداعاتك الشعريه القيمه

صح لسانك يابو وليد وبانتظار الجديد

صح لسانك يابو وليد وبانتظار الجديد

صح لسانك

كلماتك غايه في الروعه

أحييك على هذا البوح المتميز

دمت ودام شعرك وبوحك

صح لسانك ملاييييييييييييييين



شاعر جزل اطرب لقصائدك



لك تقديري