ديوان الشاعر قابل البشري

مافيه فالود مستثمر=يستقبل القلب باللي فيه
وشروط الافراغ فالمحضر=يستملكه بعد مايحييه

ماكل من هو كسب قرشين=في سوقها ينحسب تاجر
ولاكل من هو بنى بيتين=بين العرب ينحسب شاعر

هذه المحاورة بين الشاعرين المبدعين في ساحة وعالم الكسرات
بين الشاعر المبدع قابل البشري والشاعر الكبير ودكتور الكسرات
الأستاذ مسعود بن سالم المعبدي وكان البدع من قابل

سلام عاجل وتحته خط = ومعناه في داخل أقواسه
أرسلت له مع طيور الشط = مآسي القلب واحساسه
ترحيب مخصوص ومفقط = أحلى من العذب في كاسه
ومادام ماللحروف نقط = كيف أفهم الوضع من ساسه
قلبي تغربل وشال وحط = بيعالج الوضع بسياسه
لكن عنده مقام وبسط = وقسمه على علم ودراسه
لاشك للوضع لو خطط = قبل الخطر تقرع أجراسه
تاتي معه قسمته بالضبط = مادام له عقل في راسه
أنا مسكت العصا بالوسط = بحنكه وتدبير ورياسه
لكنه الوضع يـتـلخبـط = لاهب فالغرب نسناسه
احذر بحنكتك لاتفرط = وعـامله حسب مقياسه
لكن منك الموافى شرط = باسلوب ينهي لكم باسه

ماجد أبو مديدة =
سلام لاصحابنا مرسل = من رايق البال تأسيسه
مبني على الطيب ومكمل = والشوق تشعل فوانيسه
قابل البشري=
ترحيب بالطيب نستقبل = لاهل الوفا سلم من كيسه
مرصوف بنيه ولايختل = ومايختلف في مقاييسه
ماجد أبومديدة=
راع الوفا فوق ماينزل = شامخ بعلمه وتدريسه
واللي معه صارواستكمل = بيسدد القيل ويريسه
قابل البشري=
غيرالوفا شي مايحصل = يامن كسبتوا نواميسه
واللي بدا حرفها يكمل = ويدن مبدا هواجيسه
ماجد أبومديدة=
نسنس نسيم الهوى واقبل = باسلوب حاوي تضاريسه
استقصد القلب في مقتل = يبغى يجرّح أحاسيسه
قابل البشري=
هذا الهوى لو نعيمه حل = تلقى الشقا في نسانيسه
لكن فالمسأله فصّل = وبين خوافي كواليسه
ماجد أبو مديدة=
وآطرفي اللي عزيز وهل = حزين أنسه وتأنيسه
اللي تناحى سنين وطل = وأسقى من الجوف تغريسه
قابل البشري=
إن كان مد الغلا ماقل = لازم تراجع كراريسه
يمكن سنين الظما تحقل = وتهد أعتا متاريسه

تايـه ورحـال ومسافـر=في غربتي والهدف مجهول
سكة سفـر مالهـا آخـر=أمشي بها والطريق يطول

هذه المحاورة جرت بيني وبين شاعر حرب الكبير عبدالكريم المزروعي في حفل زفاف نجل الشاعرالأستاذ أحمد العمودي ليلة الأربعاء الموافق 12/2/1429هـ بجده أرجو أن تحوز على إعجابكم

قابل البشري=
سلام رده على منهاج=تمشي على حسب سايرها
تمشي على الدرب مايحتاج=وايامها ماتغيرها
عبدالكريم المزروعي=
ترحيب ياللي بدعت العاج=الليله الله منورها
مافيه مدخل بلا مخراج=لكن ربك يدبرها
قابل البشري=
تبقون يانجم ياوهاج=في مبتداها وحاضرها
نبغى المعاني لها مدراج=وانته وانا مانحيرها
عبدالكريم المزروعي=
دورت عند الطبيب علاج=وعيادته ماتصورها
حط العلاجات فالأدراج=حتى المفاتيح كسرها
قابل البشري=
موقفك في غاية الإحراج=والمسأله لاتأخرها
والله جعل للظلام سراج=نوره يبدد غدايرها
عبدالكريم المزروعي=
واقلبي اللي غدا فانواج=والعين شابت مناظرها
غديت مثل الجمل لاهاج=والنفس ضاقت بصايرها
قابل البشري=
لاياجمل لايجيك إزعاج=لو كان دارت دوايرها
ومثلك لبس بالمعارف تاج=اللي بعيده يحضرها

نظم الشعر واستماعه فن=أحدٍ يصيبه واحد يخطيه
في بعض الاحيان لاتحزن=من يفقد الشي مايعطيـه

كل البشر شي وانته شي=في ناظري كملت وصوفك
أحيا ليا صار حبـك حـي=واموت لن كان ماشوفك

يامبدي الصد بالوانـه=نفسي بعد ودها ملتـك
من بعد ماكان لك خانه=اصبح وجودك كما قلتك

مشكورياحبناالباقي=مناعلى الجهد والتنسيق
يااصاحب المنطق الراقي=ادعي لك الله بالتوفيق