( حب البداوة )

ماني من اللي غيرته الحضارة =باقـي عـلى حـب البداوة إلى الحين
بيت الشعر عندي يساوي عمارة =والخيل محلاها ومحلا البعـارين
والبـر مـحـلاه بمسـاه ونـهـاره =ترتاح له نفسي وتفرح به العين
لا ضيّقت صدري هموم وكداره =أرحل على ديرة هـلـي الـبـداوين
ألقى الوناسة عندهم والإثـارة =ريح الخزامى والنفل والرياحـيـن
والصيد لا هدوا عليه الصقارة =مابين وكري وطير حر ٍ وشاهـيـن
أنا بـدوي والـجود أ ول شعاره =والثانية عندي مبـادئ وقـوانين
أحب من يوفي صديقة وجارة =وأحب من يمشي على منهج الدين
ربعي وناسي كلهم في الصدارة =كـل الـعـلـوم الـغانـمـة لـلـبـداريـن
وعندي عليها إثبات ماهي كبارة =أهل العقول الراجحة والموازين
أهل الوفاء والمرجلة والوقاره =ربعي بني بدران في العسر واللين
لا لاح برق الحرب واقدح شرارة =نصمد كما تصمد شموخ الضلاعين
حنـا لـنا البارود فــن ومـهـارة =وتبقى قـبايل حـرب سـم المعادين
النصر من عاداتهم والجسارة =فـرسـان لا حـان الوغى في الميادين
يا كم لنا في الحرب غارة وغارة =تاريـخنـا يشـهـد علينا من سـنـين
وكل القبايل فيها مجد وظفارة =كـل الـقـبـايل فيها ناس ٍ شـجـيعين
ومدح الحمايل عز ماهو خسارة =كـل الـقـبايل عـنـدنـا قـدرهـا زيـن
واختم بيوت الشعر باول عبارة =باقي على حب البداوة إلى الحين

صح الله السانك


قصيدة عانقة السماء بجزالتها وأبداعها

تحياتي لك

ابو وليد



صح لسانك . و دائماً الجزل عادتك

,
,
,
صح لسانك وسلم بنانك

قصيدة وافيه من وافي

بيض الله وجهك يالذيب

اتمنى لك التوفيق

اخيك ابو فياض النويمي

صح لسانك

وافيه يا وااااافي

لاهنت ولا فض فوك


لك التحية

صح لسانك اخوي
لا عدمنا ابداعك

صح لسانك يالذيب

.. ولاهنت

نص راقي ..و عذب المعاني .. !

سلمت مشاعرك ..

دمت بـ إبداعك

وحيد الجزيرة

صح لسانك كثر حروفها واكثر والله

قصيدة جزلة بالحيل ، وكل قاف احسن من الثاني .


تحياتي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة