عجايب يازمان التيه

بسم الله الرحمن الرحيم

بحثت بعالم ٍ مظلم بوضـعه حايـرات إعـقـول = ودققت النظر وأعملت فكري في مياديـنه
وشفـت من العجايب شي خلاني تقل مـذهـول = أعيش بـعالمي لكن بـديت أفـقد عـناوينه
وحيد إبغربتي في ها لزمن لوكان حولي ضـول=كثير اللي بهم تصدم وتستكشف مــخا زينـه
تحسب إنـك تحزّم في شـديد من الحبل مـفـتول= ويـرجع لـك صدى ظنـك بأمور ٍكلها شينه
أشوف الشخص يعجبني وإذا فـتشت لاهـو زول= عـجبني شكل هنـدامه وخانتني مضامينه
صحيح إن العرب لاقا لت أمـثال ٍ لهـا مـدلول= إذا طاح الجمل قالوا ترا تكثر سكاكينه
عرفـت إن الزمن هذا كريمـه يعتبرمـهبول= ولايقدّركريم إبهالزمن إلا كــريمـينه
مفـاهيم كـثيـره ضاعت ولا ادري من المسئول= هل المـسئول حاضر عصرنا ولا مجانيـنـه
أظـن إن التغيّر بالبشر خـوف ٍ من المـجهـول= أو إن الطيـب ولى مثل ماولـوا سلاطينه
إذا أكرمت الكريم اللي يعرف إن الكرم مجبول= يرده لك ولـكن اللـئيم إيحسبك إتهينه
عـجايــب يازمان التيـه ولامـعقـول والمعقـول=أمور إتـحيـرالعاقل وتـخلف له موازينه
خذتنا الطيبه اللي كانت إمن اول تجيب إحـلول= بلشـنا في زمنـّا اللي بلانا في مساكيـنه
مخا فـيفٍ لقـت ناس ٍلها قـامت تـدق إطبول= ولقى الشيطان لـه ناس ٍتـريح له شيطانيه
أنا ماأذم كل الـناس بـه في كل قـوم إزحول= رجال ٍتـفـتـخر بالطيب وتقدم براهيـنه
وبه ناس ٍ تحب الديـن وتـتـبع سنة المرسول= على نهج النبي المصطفى اللي كامل ٍدينه
أنا قولي عن الأنذال في عرض الوطن والطول= عدوين الوفاء والطيب والمعروف ناسينه
أوادم عـايشه لكنها بالـوصف تـقل إعـجـول= هـدفها بالوطن تأكل وترتع في بساتينه
ماجت تبحث عن العزه ولا لكسب الجميل إطول= أوج مجد الردي لو كان مخطي لاحدٍ إيدينه

الشاعر/عبد الله السليمي(الصقعري)أبومعاذ

صح الله لسانك
ولاهنت
وسلم فكرك وبنانك
دمت برعاية الله وحفظة

,
,
,
صح لسانك وسلم بنانك يأبومعاذ

قصيدة وافيه من وافي

بيض الله وجهك يالذيب

اتمنى لك التوفيق

اخيك فياض النويمي

صح لسانك

وجمل الله حالك

صح لسانك
قصيده اكثر من رائعه
وبيض الله وجهك
ننتظر جديدك

صح لسانك يالغالي

رائع ما كتبت.. وجميلً ما خطه قلمك

دائماً مبدع

ماقصرت

صح لسانك يالذيب

.. ولاهنت

نص راقي ..و عذب المعاني .. !

سلمت مشاعرك ..

دمت بـ إبداعك

وحيد الجزيرة

ولاتهون أخوي وحيد الجزيره

أخواني ..أبن فرهود ...أبو فياض ..حمود الغيداني ..القيصر ...شكرآ لكم على المرور وشهادتكم أعتز بها

ومن قال سالم و غانم
صح الله لسانك
قصيدة رائعه بحق