بين أبومديده والشاعر القدير محمد واصل الحربي

جرت هذه المحاوره بين اخوكم الشاعر المتواضع / ماجدأبومديده
والشاعر الأديب / محمد بن صديق الحربي
الأربعاء 17/2/1425

لجل إنك إستاذ ومعلِّم=أديب دارِس أصوُل القيل
بشكي لك أحوال متظلِّم=بينُه وبين السعاده ميل
ماأشوفه البُعد يستلزِم=هذا العنا ياعلم للجيل
لو كان تحبي لها وتعزِم=توصل ولايرتِخي لك حيل
درب السعاده معي مُظلِم=وأصبح نهاري كأنُه ليل
مالقيتلي فيه من يسهِم=ويدِلني للسعد تدليل
خل التشاؤُم عنْك وإهتم=فإشعال شمعة أمل لايحيل
بينك وبين الأمل مغرَم=ومن يبذل الجُهد يشرب نيل
لاتقول صاحِبك متشائِم=وتزودُه فوق ويلُه ويل
يبغاك تسعى معُه وتّهِم=وتوصلُه للهنا توصيل
برضي معك ماقصرت العزم=أسعى معك للهدف تكميل
بس إنته جاهِد ولاتسأم=نوصل سوى والأمُر تسهيل
سويت كُل الطُرق وإعلم=إني أعاني عذاب مهيل
وش للموده طريق أسلَم=يقضي على الصَّد والتنكيل
المرء ياما يقاسي هم=والفرَح في خانتُه تعليل
والصّد لنُه تمكّن غَم=ومساير الوِلف ضِعْف الكيل
قررّت أعيش العنا وأكتِم=سدّي وأقفِّل على ماقيل
لجلي أشوف العذاب أرحم=من محَرف القيل والتأويل
بُصرّك عناك إنتْ بُهْ مُلزَم=والمرء حُكمه على مايخيل
ماكُل شاكي عنا يألَم=يلقى شِفى وفي شروحُه ميل

مشكور اخوي الله يعطيك العافيه ننتظر جددك

مشكور على جهودك واختيارك

يعطيك العافيه

وبيض الله وجهك

تقبل تحياتي