سلام ردية وفا والثمن كاش

سلام رديه وفا والثمن كاش=تقصد محل الطيب وتروح يمه.
من هاجس[ن] شال القصايد ومعتاش=ترجم حروف الشعر والقاف لمه.
شعر[ن] يهز النفس وابيض من الشاش=أمعطره بالورد والعود دمه.
يمدح عريب الساس ماهو بمنداش=شعر الهجوس وبالمعاني نعمه.
حاكم صليب الراي والعرف والجاش=تشهدله الأفعال من هو يذمه.
كريم وافي للمراجيل عطاش=لأجله نسطر بالورق مايهمه.
أمد بيت الشعر بالطاش لطاش=وأزيد ساس البيت وأرجع وألمه.
وأنقش حروفه بالذهب نقش منقاش=وأقدم الأبيات وأقول سمه.
دوك المثايل جعل يفداكم اللأش=يفداك يلي بالوصل مايهمه.
يوصل قريب وللبعيدين طراش=ودون الرفيق يسوق روحه ماهمه.
عريب جد وجد ماهو على ماش=ضم الشكاله والشكاله تضمه.
وصلات ربي عد ما هلت أرشاش=على النبي الهاشمي عز الأمه.

صح لسانك ملاين



شاعر جزل اطرب لقصائدك

0
0
0
بيض الله وجهك ... ابدعت ووفيت وكفيت ... وصح لسانك
0
0
0
تحيتي

	الاخ الشاعر حمود الجـــــابري صح لساااااااااااااااانك و إعتلا شااااااااااااااااااااانك

صح لسانك يالذيب

قصيدة كلها عذوبه وجزاله ..

ومساحة للجزالة هنااا

صح لسانك يالذيب وسلم فكرك

دمت

الله الله الله

ياسلام على الروائع

بيض الله وجهك اخي حمود الجابري

وصح الله لسانك

ابداع متميز

لله درك

تقبل تحياتي

ودمت ودام ابداعك

صح لسانك و بيض الله وجهك

	الله يـعـطـيـك الـعـافيـــــــــــة على القصيده وصح لسانك مليون بيض الله وجهك

صح بدنك يابو ليلى