ندعو لك ياعبدالله برحمة ضفيه = بجنة الخلد ضافية نور ورياحين

باسم اللي أرسل للبشر خير البريه=رباً شمل بحلمه عاصي وامطيعين
ربـاً هدانا نصلي على عبده نبيه=إمام كل مسلم عربا وأعجـميين
ندعو لك ياعبدالله برحمة ضفيه=بجنة الخلد ضافية نور ورياحين
ونـدعـو بـالـتـوفـيـق لكـل البقـيه=حـكـامـنـا وشـعـبـنـا الـمـطـيعـين
بأمن وامآن وعـقـيـدة إسـلامـيـه=ســلم وإسلام جـمـعـاً مـوحـديـن
صفـوفاً جـماعـة وسـنة محمديه=موحدين الله وبسنة نيه قنوعين
لك ياملكنا نعـطي ولاء وتحيه=وكلنا للوطن حب ومخلـصـين
وعهداً لولي عهده وزير الداخليه=وقــدراً لـكـل اصـقـوراً شـياهـين
ولاة أمرنا لهم الولاء بخالص النيه=عـوّدنـا حـبهـم وجينا لهم محـبـيـن
رعاة مصاليح لهم دانت كل الرعيه=عـطـوا واكـرمـوا شعـبـهـم سخـين
كرمهم زاد المواطن بالـغـلا وطـنـيه=واصبحوا شعباً على وطنهم غيورين
عز الوطن والدين ماتجيهم سيه=شـعـبـاً وحـكـام فـي كـل الميادين
وكل من ساند مارضا عليهم قضيه=جزوماً صروم في وجيه المـعـاديـن
يبذل الروح والمال فداء وهديه=للدين والوطن وحكاماً سلاطين
نعم بحكام الجزيرة حضراً وبريه=ذرية صقراً سخرها بالحكم تكوين
بدا بنجد والحجاز والحق الشرقيه=جاها بعلم ورأي وجنوداً شجيعين
وضاف الجنوب وكمّـل بالشماليه=جمعها تحت يديه وبين الجناحين
ثبت قواعدها وسن أحكامها شرعيه=وسخراﻷمن في رحّالها والمقيمين
ابدل العداوة فيها محبة واخاويه=وقصر من كانوا للطرق قطاعين
شيد قـواعـدها وسماها السـعـوديـه=وجعل علمها للتوحيد رمز وعناوين
ورّثها لعيالً جولها عزاً صيرميه=فكر وعرف في ورثهـم مرشدين
حصنوها من فراغ وروحه وجيه=سخرولها فرصهم حكماً وتحصين
عشقوها فتاه وشامت لهم فتيه=جاتهم ملك وهم ملوكاً مسمين
طورها بعلومً ربانية وتكنولوجيه=لبسوها تاج والبستهم حلى وتاجين

بقلم / سعد بن نفاع الجابري الحربي

إنا لله وانا اليه راجعون
لله ما أخذ وله ما أعطى وكل شئ
بأجل مسمى
رحمك الله ياخادم الحرمين الشريفين
رحمك الله ياملك القلوب
رحمك الله ياملك الانسانيه

شكري وتقدير لمروك الكحيلة بارك الله فيك

صح لسانك اخوي سعد لاهنت الله يعفو عن ابومتعب ويغفر له

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك