لكن لي نظرة وموقف وتفكير ....

يالله بحسن الخاتمة قبل المصير=
ياصل بحزة ساعتي منتهاها=
الموت مالي فيه دبرة وتدبير=
راع الوداعة يرسله لابغاها=
لكن لي نظرة وموقف وتفكير=
وأميز اللي ماتجي في سراها=
وأكمل الخوة بكل المشاوير=
لوشفت راعيها بيشقر عصاها=
والصاحب أعزه وله كل تقدير=
ويأخذ بدال الطيبة لاعطاها=
واختار للصاحب سمان المعاذير=
اللي تكمل شرهته لا بداها=
واخلق لتقصيره فالايام تبرير=
واجامل الاصحاب وادمح خطاها =
وادرى على المعروف لو شفت تغيير=
ولا خير في حر الصنيعة نساها=
صحيح هذا عصرنا عصر تطوير=
والناس من يدرك لغاية رضاها=
تاصل علومي والمعاني بوابير=
للي فهيم ويعرف اللي وراها=
ما اقول امررها على الناس تمرير=
واللي تكرمني بكّرم لحاها=
وإن جالها في منطق العلم تقصير=
اللي يعرف البير يعرف غطاها=
الرجل مايبغى معاجم وتفسير=
من يعرف العلة بيلقى دواها=

صح السانك وبيض الله وجهك
اجدت القول الصايب لاهنت

صح لسانك يابومحمد

قصيده جزله بيض الله وجهك

تستاهل خمس نجوم

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك استاذنا القدير ابو محمد
على هذه الجزاله وما حوته القصيده من حكم لكل ذي لب

اسجل اعجابي وتقديري
اخوك نبع القوافي

صح الله لسانك
ولاهنت
وسلم فكرك وبنانك
دمت برعاية الله وحفظة