قالوا (كرونا) قوي باسه ..........

ناصربن مصلح=
سلام من طيب أنفاسه=طابت بها نفس مرسلها
للشاعر اللي بإحساسه=أحلا المعاني يترجمهـا
الطواف=
ترحيب باللي سَعَد ناسه=وافرح حضوره خواطرها
دايم على الطيب نبراسه=هاذي حقيقه ماننكرهـا
ناصربن مصلح=
ياصقر معروف قرناسـه=معزّتـك أنـت خابرهـا
في داخل الروح هوجاسه=من عبر الابيات بكتبهـا
الطواف=
ياكاسب الطيب من ساسه = ومن ربع زينه مخابرها
توْ المثل ما صفي كاسه = ابدي معانيك وانشرها
ناصربن مصلح=
ياصاحب الناس محتاسه=خوف وقلق صار حاضرها
قالوا (كرونا) قوي باسه=وامراض كثرت مخاطرها
الطواف=
هذا ( بلى ) دقت اجراسه = فأيام كثرت مناكرها
والمرء لايزيد وسواسه = الإستقامه يدرّكها
ناصربن مصلح=
قالوا بلا فكر ودراسه=النوق هي من سبايبها
عزالله ضاعت بنا الطاسه=دام اليماني مصدّقها
الطواف=
هاذي دراسات وفْراسه = والمختبر زاد قررها
كلاً يحسس على راسه = من عنده نياق يحجرها
ناصربن مصلح=
المختبر الخطأ داسه = وفيه الاشاعات نظّمها
لو جاز له يوم مجلاسه = في أرضها كان لازمها
الطواف=
انته رجل حلم وكْياسه = والمايله ماتسايرها
مادام الاخطار حواسه = كلاتنا لزوم نحذرها
ومادامها البل دساسه = للداء لابد نحصرها
قرار صادر من الساسه = واجب ننفذ اوامرها

الله .. الله ’
................

صحت السلنتكم يالمبدعين ’’

.....................

تحياتي ...

صحت السنتكم
والله يـعـطـيـكم الـعـافيـــــــــــة
بيض الله وجيهكم

صح الله لسانيكما

بيض الله وجهيكما

الله يعطيكما العافيه

لا عدمناكما

صحــت السنتكــم
دمتم برعاية الله وحفظة

	المشاركة الأصلية كتبت بواسطة المجدلاوي

	الله .. الله ’ ................ صحت السلنتكم يالمبدعين ’’ ..................... تحياتي ...

صح بدنك اخي الكريم وسلمت كلك

شكرا لك ولمرورك الجميل

	المشاركة الأصلية كتبت بواسطة الحب الباقي

	صحت السنتكم والله يـعـطـيـكم الـعـافيـــــــــــة بيض الله وجيهكم

صح بدنك اخي الكريم

ووجهك ابيض وسلمت كلك

شكرا لك ولمرورك الجميل

	المشاركة الأصلية كتبت بواسطة حفيد الحجيري

	صح الله لسانيكما بيض الله وجهيكما الله يعطيكما العافيه لا عدمناكما

صح بدنك اخي الكريم

ووجهك ابيض وسلمت كلك

شكرا لك ولمرورك الجميل

	المشاركة الأصلية كتبت بواسطة فهد ابن غانم

	صحــت السنتكــم دمتم برعاية الله وحفظة

صح بدنك اخي الكريم وسلمت كلك

شكرا لك ولمرورك الجميل