غير بن دومان كل في محله

السلام عليكم ورحمة الله وبركاته

يا سعد ضفت وسمت مستهله=
=وارزمة لرعودها عوج المحاني
يوم قافك ساقها ورده وفله=
=صار لي داعي وصرت الي دعاني
جيت اجاري خط سيره قلت لله=
=صاحبي يستاهل جداد المعاني
ابلج كتم المعادي عادة له=
=في قبيلة حرب له قدر ومكاني
من رجال فعلهم لطيب مله=
=مروية دون المعاشير السناني
لا مقل اوقف با طابور المقله=
=ويا دعيت الشعر يمه ما عصاني
مبطي والسوق يا مريت امله=
=لاعشقة ولا حد عال وهجاني
ولا سمعت الي سموعي يطرب له=
=غير بن دومان في قافه شعاني
سايق الفنجال سق فنجال دله=
=فيه بن وفيه هيل وزعفراني
غير ابن دومان كل في محله=
=خلوا الفنجال لسهيل اليماني
حي راسٍ ما لحق به عرق ذله=
=يا تراخوا للهوان اهل الهواني
ما نقول الا كلام با الادله=
=يا مدرمحة الحجج. ياقوم ماني
القلوب الي على الطيب مغله=
=من حساس النقص مدري شي ثاني
ماقف يحتاج فيه السيف سله=
=ما يدس السيف فيه الا الجباني
والجبان الي رضي عيش المذله=
=ما درى ان العمر عاريه وفاني
خل سبة موت راع الغل غله=
=والضعوف تعيش با احلام الاماني
وخل من يشكي على العميان عله=
=فوق ما يشكي يعاني ما يعاني
والمنافق من نفاقه ماحصله =
=لبسه هرس الردا بين العواني
خلها تبقا سواد في سجله=
=ويستريحن البواخر با المواني

خالد الحصني

الشاعر الكبير
خالد الحصني
وفيت وكفيت
وماعليك زود انت والرجال اللي مثلك
وشرواك وتبقى القصيده الشامخه من صديق وفي
وسام على صدري وتاج على راسي
ولي عوده باذن العلي القدير

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

مرحبا والطيب لطيب مظله= قبلنا قالوه خطلان اليماني
ياولد من دل راع الطيب دله=ياعسى مثواه في خضر الجناني
شايبِ لابان بالادنين خله =قال يارب الهدى والمستعاني
مايزيد الطين بالموضوع بله=مع بعيد الناس واقراب وعواني
الخلف مثل السلف طيب وجبله=خالد العجلان ذباح السماني
الوفاء راع الحميه عادتن له= اشهد انه من عريبين المجاني
لابتة درب الوفاء دايم تدله =عزوة الحصنان هامات وكياني
لاجدعو عن سبق الخيل الاجله=خصمهم عشره تجي خمس وثماني
بيت عز يظلل اهل الخوف ظله=كاسبين الطيب وثقال الصياني
ياخوي الجنب ماب العلم كله= اسمعه يابن الحصاني من الحصاني
الرجل من دون ربعه ماقفن له=مثل حج البيت وصيام ارمضاني
من يقوم ايسد والعايل يمله =بالمشوك والقناء والخيزراني
بالسما يالقرم ياكثر الاهله = مير ياوجدي على فلان الفلاني
من عقد له عقد مايبلش بحله=وان عقد تبلش به الناس الذهاني
تم قولي والخواطر مسفهله= ياخوي الجنب ياغالي خواني

ياسلام يسلم لسانك ونعم بك وببن دومان ومن يفعل الطيب يستاهل مدحه
صح لسانك

الشاعر الكبيرخالد الحصني صدقت فيما قلت ويستاهل ابوتركي

صح لسانك وبيض الله وجهك

الشاعر القدير والعزيز سعد المحمدي رديت واوفيت صح لسانك وبيض الله وجهك

السلام عليكم ورحمة الله وبركاته


صح ابدان الجميع. وبارك الله فيكم



الشاعر سعد المحمدي. صح السانك رد وافي من شاعر وافي.

صحت اسنتكم قصايد جزله

صحت السنتكم وبيض الله وجيهكم على هذا الابداع

صحت السنتكم وبيض الله وجيهكم على هذا الابداع