لحن جديد شاركني فية فهد الغريبي

السينات=
نهج العرب في عوايدهم=على حسب منهج الاسلام
لاجيتهم في مضاربهم= اول كلامي سلامي عام
فهد الغريبي=
أهل الوفا في منازلهم=في المرتبه دايمن قدام
وانته نعدك ترى منهم=يامرحبا اول الأرقام
السينات=
جانا الوفا في مواجبهم =ترحيبهم عانق الآكام
والان نبغى محاكمهم = تفتي لنا فالسؤال الهام
فهد الغريبي=
امثالكم دوم اعاملهم=من واقع العقل والالهام
لابان ليه سرايرهم=في الحال اصدّر لهم احكام
السينات=
سنين والقلب عاشقهم = ويعدهم كنز للايام
اوفى معاهم وساندهم= وهم ساندوا ضده الظلام
فهد الغريبي=
اهل الغلط لاتجاملهم=من شان مايلومك اللوام
احذّرك لا تسايرهم=لاتزوّده ناتج الآلآم
السينات=
عمري مضى في محبتهم =لو يوم ما شفتهم ما نام
محتار يا صاحبي معهم=قلبي مولع وعقلي هام
فهد الغريبي=
لاصرت ترغب مواصلهم=وتشوف باقي وصل وليام
لاتحاول انك تزعلهم=لو كان قلبك غدى أقسام
اتبع أثرهم وتابعهم=واعزفلهم اعذب الأنغام
دور على مايناسبهم=خلك لنهج الهوى درغام
السينات=
مهما حصل لي بسبَّتهم = يبقى لهم حب وافي تام
ما عدت قادر افارقهم = ولا ابتعد عنُّهم أقدام
داخل فؤادي مودتهم = هم عزوتي قادم الاعوام
احلى ساعاتي في جمعتهم= حولي كما الشمس والأجرام
فهد الغريبي المردود الاخير=
ماقلت دوّر قطيعتهم=ألزمك بما يوجب الالزام
أهل الهوى كيف نقنعهم=لاسار فيهم هوى وهيام
لو هي خطيره مسالكهم=يمضون في مركب الاحلام
وانته نحطك في مقدمهم=وعلى الصبر تستحق وسام
يا صحابنا سامحونا=

ابداع من اهله
لاغرابة
صح الله السنتكم
ولاهنتم

صحت السنتكم
والله يـعـطـيـكم الـعـافيـــــــــــة
بيض الله وجيهكم

صحت السنتكم
ابداع يابو سلطان
دام ابداع حرفكم
احترااامي

السلام عليكم ورحمه الله وبركاته

الشاعر والأديب والأستاذ الذي نتعلم من حروفه وعرفه وإبداعاته الشاعر العم السينات

صح السانك مليون وبيض الله وجهك وأطال الله في عمرك

تحياتي لك احمد المزروعي .

صحت الالسن
وطابت القلوب

لاهنتم وصح الله السنتكم



تقبلو التقدير والاحترام



وفقكم الله

صحت السنكم وطاب بنانكم
قصيدة كفو من شعار كفو

صحت لسانتكم وبيض الله وجهكم
كسره رائعه بروعة حضوركم

يصح السنكم يالشعار

ولاهنتوا

إحترااامي’,,