تكفى يابومتعب ولايهون سلمان * نبغى دراسه للمواطن مفيده

تكفى يابومتعب ولايهــون سلمـــان =
= نبغى دراسه للمواطن مفيده
تنهــي معاناة البطالــه والاسكـــان =
= وتنقذ حياة اللي بسالب رصيده
يااهل الوفاء والطيب من ماض الازمان=
= ويااهل المواقف والفعول المجيده
حنا تــرانا صفكـــم ســــر وإعــــلان =
= برقابنا بيعـــة شـــريعه جويده
مــانلتفت لفـــلان ولا نقلـــد إفلان =
= والشعب مومن والمساعي حميده
من وقت ابو تركي على سنــان وعنان =
= لوقت ابو متعب إحزام العقيده
واجمــل تحيه يامـــلك مالها أثمـــان =
= وعسى حياتك بالسعاده مديده
وثاني تحيــــه للوطـــن كفهـــا بان =
=من دافع إحساس المشاعر جديده
حب الوطن بقلوب شيبِِ وشبان=
= والشعب وافي والحكومه رشيده
وعداد مايمطر من المــزن هتــان=
= جزل التحايا في ختام القصيده

الشاعر / سند مسند العريمه الحربي

الشاعر الكبيرسند
صح السانك
وبيض الله وجهك
توجه تشكر عليه
وحكامنافيهم خيروبركه
ويستاهلون مايقال فيهم
ومع العلم ان طرح لوطنيات مقلول الايام الاخير ه مدري وش الاسباب

اهلا ومرحبابكم شاعرنا الكبير/غازي الزغيبي وشكرا على مروركم المشرف لنا وصح بدنك
وتسلم لاهنت. وتقبل جزيل التحيات ودمتم بخير وعافيه...

صح لسانك ياسندقصيده جزله

الله يعطيك العافيه

الشاعر الجزل
سند العريمه
صح لسانك على القصيده
الجزله والهادفه
شاعر جزل يابو سعد وماتجيب غير الجزل

ابوهليل صح بدنك لاهنت مرورك يشرف ودمت بخير..

الشاعرالكبير/سعد المحمدي صح بدنك لاهنت يابوتركي وإشادتكم وسام على صدري
واشكركم جزيل الشكر ودمتم بخير وعافيه...

الشاعر القدير سند العريمه صح لسانك الله يعافيك

تسجيل تواجد في منبر الجزاله
صح لساانكـ
بيض الله وجهك

من وقت ابو تركي على سنان وعنان ==لاوقت ابو متعب حزام العقيده {{صح لسانك كفو يابن العم الوطن في قلوبنا ولايمكن التفريط باي ذره من ترابه وافي وكافي وولات لامر يستاهلون