ديوان الشاعر ( حفيد الحجيري )

كلـن حسـب مــدّه المخـبـور = للناس ، من زايد و ناقـص
ومنهو بمدّ الوفاء مشهور = ما تزعزعه جعجعة باقص

يــا ثُـقـل دم الخمـيـس الـجــاي = ويا حبّني لـك يـا يـوم السبـت
شـكـراً ثَــرَز دي قُـــدّ لَـــكّ بـــاي = ويلكَم سَتَر دي ؛ عشت و جبت

الـعـقـل ربّـانــي الــوزنــه = فـي وزنـتـه حــاذر تغـيـرّ
كـم يكبـر المـرء فـي وزنـه = وعمره ؛ لكنْ عقله صغيرّ

الحجيري=
يا أقلام روفو بعزيزاً ذلّ=عزّوه من بعد اِذلاله
واللي ماْله صنّ له أشكلّ=و خسارة الحكم أشواله
العراب=
تأمر امر ياعزيز الكل = لكن اطمنك بحواله
قلم عزيزيك شراعه فل = وقلم عزيزي مايبغاله
الحجيري=
تسلم يا مثل القمر لا طلّ = ليلة خمسطعشر هلاله
دمع الفرح فالعيون يهلّ = وطرف المثل زاد شلاله
قلم عزيزك منُه ما تملّ = قلبك قبل سمعك أصغاله
وقلم عزيزي صباح الفل = كل صبح لا شعشع ، أقراله

صقر المراقيب=
تتوقّعه شعبهم يمديه=من قوّ الاجراح يرتاحي
ومن بعد مرسي فقد كرسيه=يرتاح حمدين صبّاحي؟؟؟

الحجيري=
اللي جروحه بفعل اِيديه = ما تندمل فيه الأجراحي
والعلم ؛ باص العرب راعيه = باراك ؛ وسوّاقه مناحي

فأواخر أول عَشُـر ؛ أولّ = ثاني عَشُـر ؛ ليلة الجمعة
عن دارنا الفانية حــــولّ = و خـــلّا لنا عاطر السمعة

.

.

( إلى ربٍ رحيـــــم ؛ يا ذا القلب السليــــــم )

.

.

لعلّ قبـرك يابــوي فسُـــوح = وعلْ غُــرّ الأمزان يغشنّـه
في جيرة آدم و هود و نوح = لعلّ منـــــــزلك فالجـنــّـه

كل مال دمع العيون يزيد = والقلب نار النوى تصلاه
بأيّ حال قد عدت لي يا عيد= والعيد مدفون فالمعــلاه


ابو سالم الرحال=
غير الدعا ياحسن مايفيد=الله يحسن ثرى مثواه
لله ارفع كفوف الأئيد=واطلب له المغفره من الجاه

الحجوري=
مايرده الدمع والتنهيد = اللي رحل والبقا لله
غير الصبر الدعاء مايفيد =حكم القدر كلنا نرضاه

أبو سالم الرحال =
يابو على قبل لانعزيك=من ربنا نطلب الغفران
للوالد وربنا يجزيك=عن الذى سدد الديان
ذادرب ممشى ماهوخافيك=وطريق مافى عنه مزبان
خل الصبر دوم بين يديك=وإدعى له الواحد المنان
الحجيري=
جزيت بالخير من واليك = والحمد لله على ما كان
لعل الأعيان ما تبكيك = فالشوف يا معزّيَ الأعيان
صابر ولكنّني ما أخفيك = فقد الوطن غربّ السكان
يارب تقبل دعاء مناجيك = وتجعل جنانك لأبي مسكان

صقر المراقيب=
اصحاب الاخدود تعرفهم=كلاً ومعروف لك بسمه
وبفعلهم من يوافقهم=ياخذ من اعقابهم قسمه
الحجيري=
لعنهم الله و وصفّهم = الحق من ذو الجلال اسمه
ومن مدّ يدّه يصافحهم = بوسومهم يختلط وسمه

بخيتان=
قدام اعزيك فالوالد = عزيت نفسي وروحي فيه
نسأل له القادر الواحد = برحمته ياحسن يغشيه
اللي على دنيته شاهد = طيب الذِكر لنّذكر طاريه
رد الودايع امر لابد = له ما اخذ مثل ما يعطيه

الحجيري=
سنايدي في صادر و وارد = واللي يبكّيني يبكّيه
في كل ماقف لي مساند = بالخير رب الملا يجزيه
انته وأنا والوفاء فاقد = شيخاً شيوخ العرب تنعيه
بأعداد ما كان لك ساجد =برحمتك تغشاه يا واليه