من شان ماقع با الشرك والمحابيل == وانا شريف ومن رجال شريفه

ردي على جابة ضعوف الرياجيل=
=مبدا على روس الطوال المنيفه
مدخل باقول ما تعقبه محاصيل=
=يفرح بترديده خبيث الوظيفه
يا صار ماهو هيل كيف المعاميل=
=اشوم شومة حر عن ريح جيفه
اترك هل الغرات ومحلب الحيل=
=النفس من كثرة غثاهم معيفه
من شان ماقع باالشرك والمحابيل=
=وانا شريف ومن رجال شريفه
ما فتح على ربعي دروب ومداخيل=
=عيني عن الي بالقبيله كفيفه
حربي ومن ربعٍ عزاز ومشاكيل=
=وبا حرب راسي ما ترده سقيفه
هم عزوتي يا جردا المصاقيل=
=وبليس غنا للحفيف. وحفيفه
مارضي عليهم يطرقا الدرابيل=
=ربعي حزامي با اليال المخيفه
واليا بليت وساقهاابليس وهطيل=
=قسمتها من بينهم با النصيفه
سم على راع النوايا المغاليل=
=وسمٍ على درعه ورمحه وسيفه
درسٍ وفيه لناقص العرف تنكيل=
=ان الضعافه لنفوس الضعيفه
وبين النجوم الامعه لمعة سهيل=
=تقول هذا سهيل ماهو وصيفه
عن مثل هذي يا نويت التعاليل=
=واشتقت لعلوم الرجال الطريفه
لي رفقة ليه. نباها شهاليل=
=اهل القلوب الزاكيات النظيفه
ان جيتهم والا لفوني مقابيل=
=ادله عن هموم الحياه الكليفه

خالد الحصني

الشاعر الكبير
صح لسانك
ولي عوده باذن الله

مرحبا يابو تركي


صح بدنك وحياك الله

الشاعر الكبير
خالد الحصني
مصافحه جزله من شاعر جزل
وشهادتي بشاعريتك مطعونه من زمن بعيد
شاعر تملك مفرده بكر
دايم تروي المتلقي شعرٍ
صح لسانك وبيض الله وجهك

صح الله لسانك يا القرم
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

وفيت ولاهفيت وصح لسانك وبيض الله وجهك
قصيدة تعبر عن نفسها

الشاعر القدير خالد الحصني صح لسانك وسلم بنانك. على هذه القصيده الرائعه
تقبل مروري ووافر تقديري ،،،،،،،،،،،،،،،،،

صح السانك لاهنت
شاعرنا القدير
لاغرابة الجزالة من اهلها

صحة ابدان. الجميع