زوماة البشور في حفل الشيخ عبدالله بن مليح الوذيناني العتيبي

حداية البشور من نظم الشاعر عبدالرحمن بن دحيم البشري

ســلام تـسـليم السحـاب اللي تنـاشا من بحـوره
صـوته يزلـزل بالـرعـد ما يـنـطـفي بـراق نـوره
مبـدا وفـا من حــرب للعـتبان والصاحب نزوره
ما يـهـمـنا بعــد المســافه للـرجــال الغــانـمـين
....
الشـيـخ عبداللـه وربعـه من مـذاخـير النمـوره
له قــدر غـالي عـنـدنا جيناه ونشـارك سـروره
وعتيبه الهيـلا لهـا تـاريخ واضـح في سطـوره
عـزوة شبـابه من قـديم الوقت في قسـوه ولين
....
وحنا قبـايل حـرب والميصـال مانقصـر شبـوره
نمشي وممشانا وفا والبيت من سابق عصوره
يشهـد له التاريخ واهل العرف في فعله ودوره
والـــوافي الـلي مثلكم دايـم نـحـطـه فالـيـمـيـن

الرد من قبيلة عتيبه

يا مرحــبا ترحـيب ماله نــد غـير اخـوان نـوره
حكــام نجـد الـلي ولاهــم ورث فـيـنـا ما نبـوره
قـدرن لحــرب نقـدم الترحيب بالكـف الجسـوره
يامـرحـبا مــــلـيـون بضـيـــوفن لفــونا مقبـلـين
....
وانتم ياحرب افعالكم من ماضي الوقت مخبـوره
قومن لكم فالمجد ساس وراس وامجادن فخوره
يكـفي فـخــر ياحــرب حـرابة دول ماهي بصـوره
و انـتـم وحـنـا مـن شبــابه فالمـعــالي مـعـتـلـين
....
وحـنا عـتـيـبه محتـمـين الـدار بسيـوفـن بتــوره
لا صفـت اجمـوع الرجـال وكـل فارس دق زوره
يامـا ثنينا يــوم ميـقـاف الرجــال يـبـيـن جـــوره
في ساعـتـن يـبـيـن فـيها القـرم ويـبـيـن الـدوين

بدع ورد
على اعلى مستوى
الله يعطيكم العافيه

زوماله رائعه الله يعطيك العافيه اخي ابو ربيعان على النقل

تحيتي

يسلاااااااام وقوة الرد من قوة البدع

وخير من مثل حررب عند العتبان..بيض الله وجيهكم يابشر

الله يـعـطـيـك الـعـافيـــــــــــة على الاخـــتيار المــوفــق
وصحت السنتهم
بيض الله وجهك

ياسلااااام شئ مشجع وبدع قوي ونظيف ورد اقوى واحسن لكن تراث الزواميل هذه بحاجة لإحيائه وتعليمه للأبناء حتى لايندثر .

بدع ورد
على اعلى مستوى
الله يعطيكم العافيه