كريم يابرقاً سرى على يسار ويمين=قام يتلامع في ردوم المزوني

كريم يابرقاً على يسار ويمين=قام يتلامع في ردوم المزوني
يالله عسى وبله على داعج العين=جعله على راع الجمال الليوني
ياكامل الأوصاف ياكامل الزين=أنا تراني منك تسهر عيوني
تسهر بليلي والعرب غير دارين=لاوالله بزينهم بهذولوني
ياليت أنا وياك يازين جارين=واجيك ياكامل الجمال وتجوني
أنا تراني منك مشغول عامين=أنا رهين بحبهم وافتنوني
أثري كذا من حبكم يالمزاوين=ولا أطيع كل العرب لو يعذلوني
أنا تراني منك روحت الحين=ويدق قلبي مثل عود الفنوني
كني سجين مطوقاً وسط جدرين=سجين ومن سجنه كثير الغبوني
بزنزانته مضاله أيام وسنين=وصرت مثل اللي فيهم جنوني
اللي ليا مشوا يمشون حافين=كله من اللي بزينهم ولعوني
وبنظرتن منك ليه تداوين=ومن نظرتك تروح كل الحزوني
من الولع فيهم أصفق بكفين=رحت أنا من ناس مايرحموني
وحب الشرف حره عن حر نارين=وياللي تروحوا يمهم طمنوني
حنا ماحنا عن هاك الزين ناسين=لو أنهم مدلهين ونسوني

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسااااانك مليووون وبيض الله وجهك

قصيدة جزله في غاية الروعه والجمال والابداااااع

الله يعطيك العااااافيه دمتم ودام ابداااااااااعك

ودي واحتراااااااامي

لاهنت وصح السانك

تقبل التقدير والاحترام

وفقك الله

الله يسلمك

كلمات جزلة ووافية من شاااااعر كبير ومتمكن

صح لسااااااااانك