ديوان الشاعر ( راشد الزهراني ) المحيط

رهيف الا حساس يسألني = عن جرحي اللي بوجداني
وقبل انطق الدمع مامهلني = وجاوب قبل ينطق لساني

راشد الزهراني ‏=
ســـــلام يـاتـرجـمــان الــحـــرف=فـيــه الــوفــا فــــوق مـشـرافــه
مع طيب مايحول دونه ظرف=ولا يـعـتــرض شـــــي لـهــدافــه
ترجمان الحرف=
ترحيب مثـل النظـر للطـرف=ومثـل الذهـب عـنـد صـرافـه
براشد وراشد فحرف وعرف=فـي نظرتـي تـنـدر اوصـافـه
راشد الزهراني=
عارف ولك بالمعاني غرف=وبحر المثل تعرف اصدافه
وين التقي للمآسي صـرف=وانـقـذ فــؤادي مــن إتـلافــه
ترجمان الحرف=
ماتهون يامشتكـي مـن ظـرف=بـس الاســى مااكـثـر اصنـافـه
وراشـد اذا انـه مـافـك الـظـرف=يصعب على المسعف اسعافه
راشد الزهراني=
بستان زهـر المعانـي ورف=يمديـك تقطـف مـن اطرافـه
لجلك رقيت المكان الشرف=وكــلــن مـكــلــف بـمـيـقـافـه
ترجمان الحرف‏=
احـدٍ ظـروفـه عــذاب الـتـرف=واحـدٍ مـن الصحـب واخلافـه
تشكي والاعيان تذرف ذرف=هـل السـبـب شـرحـه كـلافـه؟
راشد الزهراني=
دمــع العـيـون الحـزيـنـه زف=وشافه من الناس من شافه ‏
كيـف احجبـه والألـم ماخـف=والـــجـــرح مـــاكــــف نـــزافــــه
ترجمان الحرف‏=
في جرحك اللي يفوق الوصف=وفـــــي دمـــــع مـــاكـــف ذرافــــــه ‏
اطـلــب مـنــزل ايــــات الـكـهــف=الامــــــــر فــالـــنـــون وافــكـــافـــه

من غيرك اللي عليه آمون =وابيح له عن خفا سدي
والقاه راعي وفا مضمون = يشد يده على يدي

كتبت حرفي لمن يهواه = ومثلي له إحساس ويعاني
ويترجمه حيث ما يقراه = باء حساس مرهف ووجداني

يا ذات الأفهام كيف الرأي = في قلبي اللي ورى وده
رايح ولا يستمع لنداي = وأزريت اهاديه وارده

عشان تكسب قلوب الناس = واجب تقدر مشاعرهم
راعي الأدب عبقري حساس = يعرف خفايا سرايرهم

حارب عيوني لذيذ النوم = مغرم وغصبا علىّ اسهر
من يوم شفته بذاك اليوم = وكل يوم طيفه معي يظهر

الحرف يشهد على راعيه = ويظهر مزاياه وإحساسه
والناس تقرى خياله فيه = وأبعاد فكره ومقياسه

محلاك نهرك عذي صافي = عذبه مراويه للمشتاق
راهي وفيه الروى وافي = يطفي وهيجي من الأعماق
واسير له والقدم حافي = مايهمني لو طريقه شاق
كله لجل خاطر اولافي = اللي لهم ود فالخفاق

إحساس قلبي وتأثيري = وملاهدي وانشغال البال
زادت على حد تفكيري = من واقعه ما استقر الحال