صيّاف بن عواد ( رحمه الله )

رحم الله صياف وأسكنه فسيح جناته
شاعر كان مدرسه في الشعر والأخلاق
اجبر الله عزا اهله فيه
وعزا حرب كافه ومحبيه

وابوك ياوقـتٍ كثيـره بلاويـك = ياما افقدت عيني من الناس غالي
مرحوم يامن دمعة العين تبكيـك = يامن على روس المراقيب عالـي
صيّاف ابن عواد مااحدٍ بناسيـك = ياابن الحرار اللي تفـك التوالـي
تدحم بجنبٍ منه ضايق معاديـك = واللي تنكرلك مايسـوى ريالـي
تبكيك حرب اللي تنومس بطاريك = وعزوة شبابه في جنوب وشمالي
والمملكه وارض الخليج ومحبيـك =ويبكيك شعرٍ بآخر الوقـت بالـي
ياشاعرٍ باالقاف وينـه مجاريـك = يامدرسة نقض وفتل وارتجالـي
تاقف مواقيف السعد حين يدعيـك = الماقف الغصاب مثـل الجبالـي
ماغيرت سـود الليالـي مباديـك = ولاتشتري هزله وسـوّام غالـي
من خلقتك طيب ولاحاشت يديـك = الاّ المراجـل كايـدات المنالـي
ياهادم اللّذات وش فيك وش فيك ؟ = تنقـا شيـوخ القـوم ياهملالـي
تغيب ياصياف والنـاس تحييـك = فقلوبها وذكرك حشـاه الزوالـي
عسى الولي من واهج النار ينجيك = وعسى جنان الخلد هي المآلـي .

....................
رحمك الله ياصياف وأسكنك فسيح الجنان
.

بيض الله وجهك على القصيدة

والله يرحم صياف ويسكنه الجنة

الله عليك وعلى هذه المرثيه الرائعه اخوي عبدالله

قصيده رائعه جدا

صح لسانك وجاد بيانك

ورحم الله شاعرنا وشاعر الخليج صياف الحربي

دمت بخير

الله يـعـطـيـك الـعـافيـــــــــــة على القصيدة ورحم الله صياف الحربي

بيض الله وجهك

صح لسانك واعتلى شانك وبيض الله وجهك ...
يعطيك العافيه ... على المرثيه الرائعه....
لا عدمنـــاكـ وننتظر جديدك....
اخيك ابوروان

صح لسانك

مرثية جزلة

الله يعطيك العافية

	ياهادم اللّذات وش فيك وش فيك ؟ تنقـا شيـوخ القـوم ياهملالـي تغيب ياصياف والنـاس تحييـك فقلوبها وذكرك حشـاه الزوالـي عسى الولي من واهج النار ينجيك وعسى جنان الخلد هي المئآلـي

رثائيه رائعه ومميزه

والموت لا يفرق بين الصغير والكبير والعزيز والذليل والذكر والانثى

فالموت حق

ورحم الله صياف وموتى المسلمين جميعا

صح لسانك ووهجك

ارق التحايا

صح لسانك و بيض الله وجهك

صح لسانك

قصيدة جزلة من جزل

رحم الله فقيد حرب وأسكنه فسيح جناته

تحياتي

الأخ عبدالله ميزان البدراني

بيض الله وجهك وصح الله لسانك

فعلأ لن نوفيه حقه سوى بدعاء له بالمغفره والجنه

نسأل الله العلي القدير ان يرحمه ويرحم امواتنا المسلمين

ويسكنهم فسيح جناته اللهم امين

تقبل تحياتي

ودمت بخير