ديوان الشاعر الاستاذ ( صالح الحربي )

	راقي غرامي مع الاحباب ؛؛ غدالهم بين روحي روح جور المفارق فتحله باب ؛؛ لاوجاع ماتحتملها جروح

	من مطلع الشمس للمغرب ؛؛ آهات بالجوف تألمني هايم مع الود ومستغرب ؛؛ يهواني ولا قنع مني

	عديت بحر الهوى والبر ؛؛ عانقت جوه وهو طاير لقيت حال الهوى ما يسر ؛؛ شاكي مفارق وهم جاير

	لو كاس ود المحبه يدوم ؛؛ كل العمر اشربه صافي ما كان طرفي بكا محروم ؛؛ والحمل يثقل على اكتافي

	نار الهوى منبع الاحزان ؛؛ واللي عشق تحرقه تكويه هذا مفارق وذا ولهان ؛؛ وراعي الهجر تهلكه تفنيه

	ماللموده الم معروف ؛؛ ولا فعناها خلاص الروح لاغاب وقلبك عليه ملهوف ؛؛ بجروح تنزف وعين تنوح

	متوافق الطبع والتطبيع ؛؛ ولا في علم الموده ضد من قلبه يهوى ماعاد يبيع ؛؛ قدام غدره يعود ند

	لو املك الحظ والعبه ؛؛ وظلم القدر عندنا مأسور قولولي القلب وش ذنبه ؛؛ يجني الم حرقة المكسور

	احسب سراب الوعد مره ؛؛؛ ماهو وهم بالقدر مكتوب لقيته ساس منبع الحسره ؛؛؛ وعذب الموده معه مسلوب

	ياقلبي صبرك مضاله كم ؛؛ سنين ادور لطبه كتاب غرام صده سقاك السم ؛؛ مراره ماينمحي بعتاب