ديوان الشاعر ( تلميذ الكسرة )

( يا ليت حلمـــي معـه يكمل * وأبقى في حلمي معه ساعه )
( لأجل الليـــالي التي اجمل * لمضـــايق الصــــدر وسّاعه )

( ليت الليـــالي الهنية ذيك * ترجــع كما كان فالماضي )
( مهما الفقـر وقتها يؤذيك * وقل الأيادي بهــا راضــي )

( لو الهوى ينعرف له ساس * عندي جـــــذوره وأحساسه )
( اللي بذوره من الأحساس * و من الثمــــــــر انبنا ساسه )

( وآقلبي اللي ف وسط الجوف * وأم النظــــــــر عنــــــدنا بابه )
( لو أختفـــــى نورها والشوف * الســمع يرميــــــــــه لأحبـابه )

( ما أدري متى ننتبه و نفيق * من الذي خانوا العشرة )
( شفت البنـــا عنــــدنا تلفيق * والكل مهتـــــم بالقشرة )

( يا سعد منهو لقي له خل * زي القمـــــر متضح ناقي )
( مهما يطول معه ما يمل * و يحيا من القرب وعناقي )

( بعد النظـــــر في عيوني قلّ * وصرت آتوكأ على إيديّه )
( يا هل ترى من وصالي ملّ * والا تعـــــــوّد على إكذيّه )

( يا أهل الهوى لا نعيتوا صبً * فالأولًــــــه قــــــــــاتلوا دونه )
( ممكن سبب كالرطب ينحبً * ما يلقــــــى منهـــــــــو يجدًونه )

( دق الحــــديد الذي حامي * يسهل لكـــم وقتها طرقه )
( لا تقول مشغول فلحامي * وخايف على لبسنا حرقه )

( جابوا حواسب لنا باللمس * وإحنا فنــــومة لنا غطًـــــــه )
( وأعجب قلم ما رأيته أمس * اللــــي يخـــزًن لنا خطًــــــه )