لحن مع الشاعر القدير ابو فرح .... .... .... .... ....

السلام عليكم ورحمة الله وبركاتة ،،،،

لحن مع الشاعر الكبير ابو فرح ليلة البارحه بتاريخ 20 / 5/ 1433هـ

واليكم
.
.
.

= ابو فرح
نبغالنا في رياض القيل = جوله بعد ما تلاقينا
منهاجها العز والتكميل = ونتاجها غرس ليدينا
= ولد الساحل
لي الشرف معك يالحلحيل = اقطف زهور البساتينا
نمشي طريق الصفا مانميل = حتى تحقق امانينا
= ابو فرح
جانا الخبر في شهر ابريل = وحنا فرحنا وغنينا
ولا كنه الدمع غصب يسيل = كل مالتفتنا حوالينا
= ولد الساحل
ايام واخبارها كالفيل = من كبرها يوم تلفينا
اصبر ورب العباد يزيل = عنا العنا ان كان توحينا
= ابو فرح
الصبر لاوين فيه نشيل = ومعروفنا فيه مايبينا
اجيال راحت وجانا جيل = وحنا لا رحنا ولا جينا
= ولد الساحل
ماللأمر ياخوي تبديل = الله يصبرك ويعينا
لا بد ماترتعد وتخيل = والله من الخير يسقينا
= ابو فرح
وفيت واشعلت لي قنديل = في ليل ادلج يسلينا
والباب بنقفله تقفيل = حتى يجي امر بارينا
= ولد الساحل
الحمدلله في شط النيل = رسيت سفينة دعاوينا
والحق في محكم التنزيل = ماظل من يتبعه فينا

تحيتي للجميع

صحت السنتكم
والله يـعـطـيـكم الـعـافيـــــــــــة
بيض الله وجيهكم

اجيال راحت وجانا جيـل = وحنا لا رحنـا ولا جينـا


والحق في محكم التنزيـل = ماظل مـن اتبعـه فينـا

صحت الألسن وبيض الله الوجيه
على اللحن الوجيه
ورحم الله والديكما
والله يعطيك العافية
تحيتي وتقديري لكما

صحت الألسن وبيض الله الوجيه
على اللحن الوجيه
ورحم الله والديكما
والله يعطيك العافية
تحيتي وتقديري لكما

عذب الكلام بين البر والساحل
صحت الألسن ويعطيكم العافية

صحت السنتكم شعارنا
مبدعين
داام تالقكم وتميزكم وابداع حرفكم
احترااامي

أبو فرح
و
ولد الساحل

إبدآآآآآآآآآآآآآآآآآآآآآآآآآآآآآآآآآآآآع
صحت الألسن وبيض الله وجيهكم
لحن رائع بروعة شعرائه
دمتم على العز دائماً
كل الود والتقدير

صحت السنتكم
..
..
أسجل اعجابي
..
ويعطيكم العافيه ..
..

لله دركما من شاعرين مبدعين اسعدتونا بابيات جميله راقيه

تسلما على الأبداع الغير مستغرب منكما
صح الله لسانيكما وبيض الله وجهيكما
تقبلا تحيتي وتقديري