ردي على الشاعر الكبير خالد الحصني

	المشاركة الأصلية كتبت بواسطة سعد المحمدي

	الصدر ضاق وضيقه يابن دومان = عودٍ تردى حالته كل يومي ماغير اطالع فيه في شوف الاعيان = وادعي له الي في عباده رحومي سبحانه الي كل يوم وله شان = تفنى العباد وحده الي يدومي اوجس اوجاسه كل ماصار سقمان = احساس والا طبع ابويه كتومي ياشفت حاله صاير تقل عيدان = من المرض قامت تليم همومي امرض من وجاسه وانا ماني مرضان = ولاتنام عيني كان عيا ينومي كنه يقول انته الى الان سهران = وقوله لاتشيل هم مخدومي من عقب ماهو لثقيلات عشقان = تثقل عليه اليوم حتى الهدومي العمر له حكمه على حال الانسان = يبين به لو هو قوي العزومي عبرت لك عن ضيقة البال بشجان = ولالي بضيقتك يابو تركي لزومي عساك تبقى مثل منته كحيلان = سيف لنا دون القبيله صرومي يامعرب الجدين خال وعمان = من كل جد جاذبينك قرومي زيارتك واجب عليه وانا الان = ضرفي مثل ماتشوف فيه محكومي مرافق مع شايبي بين شيبان = بين الدكاتر والابر والكرومي ردي على الشاعر الكبير خالد الحصني حي الرسايل من رفيقي بليهان=خالد ولد موسى قوي العزومي رسايل الطيب لها نذعن اذعان =طبعي مقابل طيبه بالعدومي نسعالها نسعالها قدر الامكان=سلمٍ لنا ياطيبين السلومي معذور ياراع الوفاء طير حوران=الله يلوم اللي لمثلك يلومي بالوالدين البر من زود الايمان=تلقاه بالدارين علم محتومي أكيد ميزانه على كل ميزان= يرجح باذن ربٍ لوجهه نصومي للتف ساق بساق والجسم عريان= من عق شيبانه يعض البهومي حضيض من يدرك رضاهم وكسبان= للوالدين يصير مرن وخدومي وادا حقوق الله من دون نقصان=وعن زلة الاقراب دايم يشومي وان جاه محتاجٍ عثى فيه ديان= من جور وقته بالخطام أمخطومي يقدم الميسور خفيه وسفطان= طيب لفعل الطيب دايم يرومي شرواك والدنيا على كف شيطان=نوبٍ تزين ونوب فيها ثلومي يقال فيها دايم الطيب أمعان= والطيبه ماهي بكثر العلومي

ابو تركي صح الساااااانك وابيض وجه ردك شرف طال عمرك وكافي وشافي



وقصيدتي عباره عن ابيات في رسالة جوال واشكر على الرد الجزل ولا يستغرب على شاعر كبير مثلك

لاهنت وابيض وجه يابو تركي

صح الله السنتكم وبارك الله فيكم

ونسأل الله العلي العضيم أن يشفي والد أخونا العزيز خالد الحصني

أبدعتم جميع والأبداع ماهو بمستغرب على شعار أمثالكم

حضور مميز وراقي من الطرفين

وبيض الله وجهك يابوتركي الي طرحت لنا هالمساجلة

دمتم بخير

عسى العفو والعافيه لبو خالد من الله ويثيب خالد ويعظم اجره .
وصح لسانك ولسانه ... وفيّتم وكفيّتم ..هكذا القصايد المؤثره .
الاولى .. مشهد حي للبر والمحنّه ..انه الحب الحق والكبير . لله درّك ياخالد.
الرد .. تأكيد على ذلك .. وشد على يد .. انه مقصد شرعي ..وسلم ثابت ..وقيمة الحياه .

	المشاركة الأصلية كتبت بواسطة فهد مطلق السليمي

	الله الله الله صح الله السنتكم وبارك الله فيكم ونسأل الله العلي العضيم أن يشفي والد أخونا العزيز خالد الحصني أبدعتم جميع والأبداع ماهو بمستغرب على شعار أمثالكم حضور مميز وراقي من الطرفين وبيض الله وجهك يابوتركي الي طرحت لنا هالمساجلة دمتم بخير

الشاعر الكبير
فهد مطلق
مشكور على المرور
الله يبيض وجهك
تحياتي وتقديري

	المشاركة الأصلية كتبت بواسطة حسين مريع العبيدي

	صح لسانك يا بو تركي ولسان الاخ خالد شعار كبار اعلام جزلين المعاني بيض الله وجيهكم تحياتي وتقديري

الشيخ والشاعر القدير
حسين مريع العبيدي
مشكور على المرور
تحياتي وتقديري

	المشاركة الأصلية كتبت بواسطة منصور المزيني

	الله الله الله الله صـــــــــح لـــســــانــــك الليلة الدنيا على كف عفريت=يرقص بها الشيطان والبال ضايق

الاخ منصور المزيني
مشكور على المرور

	المشاركة الأصلية كتبت بواسطة تركي العماني

	الله الله صح لسانك اخوي سعد وصح لسانك اخوي خالد ابداع في منتهى القمه شاعرين انتم ولا يختلف عليكم ثنين قصيدة خالد قمه وقصيدتك يابوتركي قمه وهذا المعهود منكم ابوتركي دائما ردودك بالصميم ردك على الشاعر خالد كافي ووافي الله يطول اعماركم ولايهينكم

الشاعر القدير
تركي العماني
مشكور على المرور
وماعليك زود بيض الله وجهك
تحياتي وتقديري

	المشاركة الأصلية كتبت بواسطة الكحيلة

	لاإله إلا الله اللهم ارحمنا و ارحم والدينا والمسلمين والمسلمات الاحيا منهم والاموات قصايد تقض مضجع الضمير الحي تجلا فيها البر والحكمة وجزالة الشعر صح الله السنتكم شعرنا لاحرمكم الله اجر بركم في والديكم مثل هذه المراسلة تستحق الفايف وبجدارة ونسأل الله العلي العضيم أن يشفي كل مريض

الشاعر الكحيله
مشكوره على المرور
الاروع والاجمل
دمتي بحفظ الله ورعايته

	المشاركة الأصلية كتبت بواسطة خالد الحصني

	ابو تركي صح الساااااانك وابيض وجه ردك شرف طال عمرك وكافي وشافي وقصيدتي عباره عن ابيات في رسالة جوال واشكر على الرد الجزل ولا يستغرب على شاعر كبير مثلك لاهنت وابيض وجه يابو تركي

الشاعر الكبير
خالد الحصني
أولآ الله يشافي الوالد
ويطول عمره على الطاعه
والحضيض اللي يدرك والديه
ويحسن مثواهم
وهذا ليسى غريب عليك
ومن أبسط عقوق الوالد عليك
ومشكور على القصيده الجزله
التي لها الطابع الخاص
حيثها تلامس الحقيقه
أبيات جزله ومميزه

	المشاركة الأصلية كتبت بواسطة نداء الغيداني

	صح الله السنتكم وبارك الله فيكم ونسأل الله العلي العضيم أن يشفي والد أخونا العزيز خالد الحصني أبدعتم جميع والأبداع ماهو بمستغرب على شعار أمثالكم حضور مميز وراقي من الطرفين وبيض الله وجهك يابوتركي الي طرحت لنا هالمساجلة دمتم بخير

الشاعر الكبير
نداء الغيداني
ماعليك زود الله يبيض وجهك
وشهاده منك اعتز فيها
يابو سامي