ديوان الشاعر ( راشد الزهراني ) المحيط

وين التقي للجروح اعلاج = اللي بلاها تبلواني
كأنها من بحرها امواج = تاصل لحدي وتنصاني

كسره في منتدى اهل المعنى البدع راشد الزهراني ((المحيط))=
أهل المعاني لهم عنوان = وانتم رجاله وعنوانه
يترجمونه بكل لسان = وكلن حسب منطق السانه
واهل المثل عندهم ميزان = يرجحونه بميزانه
مابه زياده ولا نقصان = من مصدره معتلي شأنه
الرد من امير الكسرة الشاعر ناصر الحجوري=
ياراشد الشعر والانسان = تشهد على الشاعر اغصانه
بحرف المثل يعزف الالحان = ويشاجي الناس بالحانه
وانته ياشاعر بني زهران = شاجيتنا بسحر تبيانه
خليتنا نقول بالمليان = راشد بحر فيه مرجانه
ورد ثاني من الشاعر الكبير ابو سالم الرحال =
خذني معك أيها الربان = بحار في صف ربانه
دام الزهر في غصونه بان = وفاحت عطوره لحيانه
عني عطه راشد النيشان = يستاهل القيل نيشانه
لجله على منهجه سلطان = بالذوق والذوق سلطانه

ليلة صفا جوها هادي = وفيها القمر متكمل نوره
فيها معك طال ميعادي = يافرحة القلب وسروره

قطر الندى عانق الاوراق = وعانق زهرها على غصونه
ومن يوم ماشافه المشتاق = دمعه تناثر من عيونه
بالحال جاشت به الأ شواق = اللي بالاعماق مدفونه
وطافت الروح بالآفاق = من شدة الشوق مجنونه

تأثرت من سهرها العين = والدمع منها وقف عبره
اجيب صبر القلوب منين = لا سار قلبي نفد صبره

إللي تربى على المقدار = وطيب التعامل مع اصحابه
يحرص على صحبة الأ خيار = ولا يصك من دونهم بابه

تناغم الحرف بالخفاق = وصور صدى صوت آهاتي
اللي لها سنين بالاعماق = كأنها جزء من ذاتي

طفت المحيطات باكملها = واطوفها في ظلام وضى
ماهز روحي وزلزلها = غير الذي له فقلبي شى

في ضلمة الليل وسكونه = آهات قلبي لها لجات
اللي لها ازمان مكنونه = وطرفي من اسقامها مايبات

روحي رهيفه مشاعرها = ما تقبل الخفض بالميزان
واللي على الويل جابرها = له منزله داخل الوجدان