ديوان الشاعر / تركــي الجـــابري ( أبووافي )

أحيان أشوفك سما ونجوم = وأمد فيك النظر ساهي
واحيان أشوفك ظنا محروم = عن الملا مبتعد لاهي

غصن الهوى يشتكي ياطير = من بعد فرقاك يرثاله
ذابل ويخشى عيون الغير = مدري متى يستوي حاله

جيته رصيدي وفا وأخلاص = والـشوق من بيــنهم مشبوك
كنت أحسب انــه في حبي غاص =وأثره على الدرب يرمي شوك

ياقلب صبرك بدون أحدود = ولاتبيح للغير مكنوني
لـو تنجرح بالليال السود = أصبر ولا تخلف أظنوني

الـعمر معدود وش باقي = عند الولي منزل كتــابه
لابد مـا يصبح أفــراقي = والــرب مــا ينـقفـل بـــابـه
سدد وقارب لك اشراقي = والغيـب مـانـعلم أسبــابـه
قبل الندم عيد الأوراقي = والـعمر مـا نلحق ركـــابه

مـا ل النــدم في حيـاتي بـاب = يـــا مـن تــغلى عــلى كيــفك
وأصحى معي تبحث الأسباب = تشكي وأشوف السبب سيفك

والله عيـوني تشوفـك غير = أحلى من الـــورد وعطوره
والرمش يشبه جناح الطير = سبحان من يعطي الصورة

الشوق لوتعلم أحساسه = وتحس بالحب لو مره
ألقاك مدمن على أنفاسه = وأن غاب بتموت من حره

ماهو كذا تطلع السلم = عيش التجارب بها حتى
ولاتقول عالم ولاتعلم = قول مدري وأقول أفتى

نظرة العين شلفا ذياب = من صابته شانت أحواله
لوجيت قالو وش الأسباب = وأن رحت في غبة أهواله