ديوان الشاعر سالم البشري

بيان الصمت=
سحر البحر منظر أمواجـه=والشمس نحو الغروب تميل
تبعث من الشّوق وهّاجـه=عن برق دونه سحاب مْخِيْل
سالم البشري=
ذاك البحريعلن ابهاجـه=قبل الشفق ينتهي به ليل
والموج لاوافقه عاجـه=الشوق غنى معه ياليـل
بيان الصمت=
في حاضر الوقت وانتاجه=أحكام تصعب على التعليل
لمّا القمر عِلْيَت أبراجـه=نلقى العنا بخدمة التوصيل
سالم البشري=
إن كان لك بالقمر حاجه=صوب الهدف وجه الدربيل
اعرف مساره ومنهاجه=لايروح بين الجدي وسهيل

أبـــــــوفـــــــــــرح=
أشوف سالـم فوسـط النيـل=عايـم وعينـه عـلـى دجـلـه
وانا مـن الطيـب والتكميـل=بـوثـق القـيـد فـــي رجـلــه
ســـــالـــــم الـــبـــشــــري=
عـوام سالـم وشــد الحـيـل=في خطـه اللـي مبرمـج لـه
مـايــرده الـقـيـد والتقـفـيـل=عـن الهـدف والعنـا لاجـلـه
ابــــــــــــــو فــــــــــــــرح =
ماقـول فـي قولكـم تضلـيـل=واضـح ولاابـغـى امنتجـلـه
مير ابرهـه يـوم قـاد الفيـل=ربـــّـك أبـابـيــل عـرّجــلــه
ســـــالـــــم الـــبـــشــــري=
فـي دربـنـا مايـجـي تبـديـل=الــلــي يـبـيـنــا نـدرّجــلــه
وانته تحرى المطر والسيل=والـنــو غـيــرك مخـرجـلـه
أبــــــــــــــو فــــــــــــــرح=
عد الـروى محتميـه سهيـل=ولاكـل مـن جــاء يهدجـلـه
واللـي لغيـره هــواه يمـيـل=ندعـي عـسـى الله يفرّجـلـه
ســـــالـــــم الـــبـــشــــري=
المحتمي ماغشاه الميـل=واثق وماله قدم عَجلـه
في منهجه مايجي تحويل=مايخيّب انسان يحتجلـه

عقيد الخيل=
ليل المحبيـن ياطولـه=اسود صباحه مثل ممساه
عيون تسهر ومشغولـه=كلن يغني علـى ليـلاه
سالم البشري=
ونهارهم زاد بحموله=زود حمول الشقي واشقاه
واليوم عايش فمجهوله=بالله رسّه على مرساه
عقيد الخيل=
فيه حب ماتدري منهو له=وفيه حب تعطيه من يبغاه
وفيه حب تنساه بسهولـه=وفيه حب والله ماتنسـاه
سالم البشري=
قالوه قدام ونقوله=هذا الهوى صعب من يقواه
ودي معي جاي باصوله=واللي على البال ماوفّاه
عقيد الخيل=
اخترته من بين اللي حوله =زعلت كل البشر لرضاه
لو هي على الصدفه محلوله =قلبي انا المشكله يبغاه
سالم البشري=
ماخيّب اللي تعنّوله=ولبى نداهم بعد ماجاه
ويوم اشتكى خاب مأموله=واصحابنا زادوالمأساه

سالم البشري=
ترفقـي ياهجـوس الوقـت=لايخرج البال عـن طـوره
وارفع حظر عن مدار الصمت=وابث بالصـوت والصـوره
بيان الصمت=
ما يفهَمَك زي بيان الصمت=يقرا والاهـداف منظـورة
مخبور فنَّـك بمـا قدَّمـت=لو الهـوا غيَّـر الكـورة
سالم البشري=
ونعم وانا اقـول ماعلّمـت=والحرف مااصْدرت منشوره
ياليت فكـرت واستعلمـت=قدّام تحكم علـى سطـوره
بيان الصمت=
عليك واحد -صفر مادمت=قولي على نفس مخبورة
حكمي قياسي ولا تْقدَّمت=والورد من طلعة زهوره
سالم البشري=
حكمّت عقلك وانا حكّمت=والحق ماينطفي نـوره
على الوفا شاربه دسّمت=والطيب ماحرّك شعوره
بيان الصمت=
دامك لروس المعالي شمت=ولذاك نظرات محصـوره
لجل ايش تحكم بما أعلنت=فغيابها النـاس معـذوره
سالم البشري=
أعوام أداريه ماتكلمّت=والنّاس ماتعلم قصوره
انت الحكم بعد مااستلزمت=لايقول انا العرف دكتوره
بيان الصمت=
بالطيب لاهل الحكم مكنـت=والزرع من نقـوة بـذوره
للكل وفي على مـا كنـت=واحسب غيابه كما حضوره

بخيتان البشري=
سلام حايز على التأييد=لاهل الوفا عذب منطوقه
كل مانقوله عليه نعيد=متعمد القلب بعقوقه
لاجله فحكم المحبه سيد=مكانته ود مرموقه
كيف العمل فيه ياصنديد=ضيّع على الخافق حقوقه
مااذنبت حتى علي يزيد=مآسي الوقت وحروقه
سالم البشري=
يامرحبا والوفا مايبيد=أهله تثمّن غلا سوقه
وماتلام يا شاكي التعقيد=من ود يستمتع بعوقه
الوضع هذا يبا تحديد=مساه تفهم من شروقه
عامله بالحزم والتجميد=ان حاد لاتقبل فروقه
وان كان ودّك يباك يهيد=مايقرب الغنج وطروقه

بيان الصمت=
ياما اتصلنا ولقينا صـد=ومن الحبايب لحقنا اللوم
ولما انتظرنا يجينا الـرد=شفنا القطيعة من أول يوم
سالم البشري=
الله رب المـلا يشـهـد=كم صاحبي عندنا محشوم
أعطيني العلـم واتأكـد=إني معك فاللزوم اقـوم
بيان الصمت=
راعيت لظروفهم والحد=اللي عليه الوصال يدوم
لكن تجيني النتيجة ضد=باحكام تبنى على موهوم
سالم البشري=
لاتنقطـع للموافـى يـد=دام المصافى يجي بسلوم
وقدّام يحكم لكـم لابـد=تبقى على وصلهم ملزوم

سالم البشري=
قلبي تعب من غرابيله=أبغى الذي يسمعه ويفيد
والوضع حساس لايجيله=واحد وبكره يجيب العيد

قابل البشري=
قلبك ولابد تاويله=وعندي لمثلك جواب مفيد
عجّل وعطني تفاصيله=قدّام حاله عليه يزيد
صلاح المطرفي=
كلـن معـه هـم ويشيلـه=واللي معه هم كيـف يهيـد
بالصبر يسعى فـي تقليلـه=وبالشرح بعض الجروح تزيد

سالم البشري=
قلب العنا زادبه كيله=وعلى المشاعر حكم تأبيد
كيف انقذه من تهاويله=لازوّد المسأله تعقيد

قابل البشري=
القلب اطلق مراسيلـه=لاتقيده فالأسى تقييـد
يمكن بعدها يلاقي لـه=مايشتهي خاطره ويريد
صلاح المطرفي=
كرس جهودك لتعديله=عساه عن غربلتك يحيد
واللا عنه شوف تحويله=وعن مثله اقطع فجوج البيد

سالم البشري=
ضحّى وغيّر معي ميله=يبغى يشيل العنا تحديد
اش لون أبخس مكاييله=واحمّله حسبة التسديد

صلاح المطرفي=
وفاك حاول بتعجيله=ومدد حبال الوصل تمديد
والكيف زين معاميله=لاسار يستاهل التمجيد

ليل السهارى=
ياملتقى العـز والنومـاس=الطيب قبل الوسم وسمـك
من صادق الود والاحساس=حزته فقلبي وسم بسمـك
سالم البشري=
لنا الشرف ياجويد الساس=يامبدي الطيب في رسمك
مادام قلبك يحب النـاس=فالملتقى الوافيه قسمـك

بخيتان البشري=
سؤال في خاطري يحكي=أيّات فيهـم قتيـل الـود
معشوق محروم لك يشكي=أو عاشق اللي جناه الصد
سالم البشري=
للشاكي أحيان والمشكي=الوقت أكبر خصيم وند
يجعل صويب الهوى يبكي=ان طال هذا بذاك اشتد

سـالــم الـبـشــري=
الشعر معنى وطيب شعور=بابعث معه ودّي الشايـق
وسلام شاعر يريد الشـور=إن كان جو البشـر رايـق
أحـمــد الــزايــدي=
انغوص به في عميق بحور=مافيـه قدامنـا عـايـق
تبشر بشوري ماني معذور=مدامنـي رايـق وفايـق
سـالــم الـبـشــري=
تسلم لنا واسمع المنشـور=ولاني من الرد متضايـق
وش حالة اللي غدا مأسور=ولاعاد له فالشقـا طايـق
أحـمــد الــزايــدي=
اللي يدور على المحضور=كنه مع الجـرف متهايـق
ماينفعه طب مـن دكتـور=تلقـاه لمقابلـه تـايـق
سـالــم الـبـشــري=
خلك على النهج والدستور=لاتلتفـت خلـف وتوايـق
قصر الأمل محتويه السور=أصبح لقلب العنـا عايـق
أحمد الزايدي=
أتشوف عينك شعاع النور=اسر على النور ياسايـق
الأادمي منهـي ومامـور=طعم العسل والبصل ذايق
سالم البشري=
من شوك وقتي جنيت زهور=باسلوب ماجات بمزايق
واللي ذكرته لنا مخبور=ياراعي المنطق اللايق
أحمد الزايدي=
ماحولك أنته والاي قصور=يا الاجودي ماانت ابن شايق
ياالله لعـلك بعـد مسرور=وأنا تراني ماني ضايق
باقي عليها=