ديوان الشاعر(بخيتان البشري)

قلبي رحل وارتحلبي شام = وطرفي بشوفه معه لقى
شوقي يمن والمسافة عام = ولا عاد خلا ولا بقى

اسألك رحماك ياربي = تشهد على ماقترفت ذنوب
إن ماغشت رحمتك قلبي = مالي بغيرك بها مطلوب

شامخ الراس =
عـــنــــوان يـــومــــي بــأحـــزانـــي = وكلي أسى و الحزن مخفيه
مـــافــــارق الــــدمــــع أعــيـــانـــي = أبـكــي وحــالــي لــكــم أشـكـيــه
بخيتان البشري =
يــاشــاكـــي الــــمــــر بــالـــوانـــي = ويــش الــذي فالـهـوى تشـكـيـه
هــــــات الـتـفـاصــيــل ذلـــوانــــي = من شان وصف الدواء نعطيه
شامخ الراس =
كـل مـا شعـاع الأمـل بانـي = أ تحول دونه حجب تخفيه
امــعــايــش الـــهـــم وحـــدانــــي = وحظي فدرب الشقى راميه
بخيتان البشري =
يا من عن الوضع وافاني = ابـحــث سبـبـهـا وبـتـلاقـيـه
لا تكـون عاجـز وحيـرانـي = مثلـك معـه عـقـل ومقـديـه

لو شفتني في عيونك شي = به خاطرك فالهوى مرتاح
شافت عيوني بقايا حي = ظلا وضلت بعد ماراح

لجل إنكم نون لعيوني = بدونه افقد نعيم الشوف
من دونكم لو تشوفوني !! = اعمى 0 و درب المحبة خوف

الساري =
سلام ياصل لكم دغري = ماتلحقه سابقات الصوت
يامن بحرف المثل يغري = انّا نجاريه لين نموت
بخيتان =
ترحيب عاجل من البشري = دون الوفا مايفوته فوت
وآنا معك بالمثل نسري = نرسم معانيه وسط النوت
الساري =
فيك البقا وانت ماتزري = عن حل عقد المثل فبيوت
له حب في دمنا يجري = ماحبه عقاب هو و انوت
بخيتان =
بالحال بسعالك وفكري = لكن خل الصبر لك قوت
للود رغم الآسى نشري = لوكان حبل الرجا مفلوت
الساري =
كيف التقي فيه ما ادري = متحكم القلب له ريموت
أسمع صدى صوته بصدري = وسط النظر كالجبل منحوت
بخيتان =
ما يحُول دون اللقا عذري = ولاّ مسافة بحر وخبوت
لو مل راع الهوى بدري = تذهب جهوده عليه شتوت

لايازمن وش جرى وش صار = باللي قصر خطوته عنا
كل ماسألنا لقينا اعذار = إحنا بها ماتقنعنا
لوكان دارت به الاقدار = إحنا معه ماتهاونا
وإن كان لفراقنا مختار = منه تجي ماتجي منا

بخيتان بخيت البشري=

بعد سمعنا نخلكم صـاف=عطنا علوم النخل والصيف
ياراعي القـن والاعـراف=للجار ولا لاجاه الضيـف
افيدنـا لاقريـت القـاف=يامحتسي منه زاد الكيـف
اللي سمع يسأل اللي شاف=إذا بغينـاه ناصـل كيـف


خالد بن عبيد الاحمدي=

بان الزهو واعجب الصيّاف=وسهيل يوقف به التنّصيف
ياللي مع النّاس فيك انصاف=ولاتقرب الناقصه والحيف
القاف فادك به العرّاف=وانته بنظم المثل حرّيف
الحكم دون الدليل إيعاف=ولاضن تجهل طريق الخيف

كل ما آسى منك يحويني = اخفيه آسايه معك بالذات
مهما جفت نومها عيني = و ليل العنا ساهره مابات

ماللجفى فالوجيه وسوم ؟ = يلقى بها من تسبب فيه
في صدر قلب الذي ميسوم = دليل عما فعل يكفيه